كورى ەل بايىرعى تۋلارىنىڭ كەيپىن قايتارۋدى كوزدەپ وتىر.
بەيسەنبىدە قىرعىز پارلامەنتىنىڭ وتىرىسىندا دەپۋتاتتاردىڭ ءبىرى مەملەكەتتىك تۋدىڭ ءتۇسى مەن ءانۇران ءماتىنىن وزگەرتۋدى ۇسىندى، دەپ حابارلايدى Almaty-akshamy.kz Inbusiness.kz سىلتەمە جاساپ.
دەپۋتات قازىرگى تۋدىڭ قىزىل ءتۇسى كسرو كەزىندە تاڭدالعانىن ايتىپ، مۇنداي ءتۇس اگرەسسيا مەن سوعىستى مەڭزەيتىنىن ايتتى.
"تاريحقا جۇگىنسەك، قىرعىزدار تۋى كوك ءتۇستى بولعان. سوندىقتان ءبىز بايىرعى تۋىمىزدىڭ كەيپىن قايتارۋىمىز ءتيىس. ءقازىردىڭ وزىندە وسى باعىتتا زاڭ جوباسى دايىندالۋدا. وعان قوسا، ءانۇراندا كەيبىر سوزدەردى تۇزەتۋ قاجەت. ءبىزدىڭ تاريحي رامىزدەرىمىزگە قايتا ورالۋ ۋاقىتى كەلدى"، - دەدى ول.