اqshamnews.kz ءتىلشىسىنىڭ رەسمي سۇراۋىنا جازباشا جاۋاپ بەرگەن قازاقستان رەسپۋبليكاسى ءىىم-نىڭ باسپا ءسوز قىزمەتىنىڭ مالىمەتىنشە، ەگەمەندىك العاننان بەرى ەلىمىزدە قىلمىس سانى ەكى ەسەگە تومەندەدى. كىسى ءولتىرۋ سانى 4،5 ەسە قىسقاردى. ال، حالىق سانى بۇل ارالىقتا 1،5 ەسەگە ءوستى.
بۇل ناتيجەگە اۋقىمدى پروفيلاكتيكالىق جۇمىستاردىڭ ارقاسىندا قول جەتكىزىلىپ وتىر.
بۇگىندە قىلمىسقا قارسى ناقتى باعدارلامالار ىسكە اسۋدا. اتاپ ايتقاندا: كىسى ءولتىرۋ، ۇرلىق، كيبەرقىلمىس، ينتەرنەت-الاياقتىق، ەسىرتكى بيزنەسى، ادام ساۋداسى، ەكسترەميزم سياقتى قىلمىس تۇرلەرىنە قاتىستى باعدارلامالار 2024-2026 جىلدارعا ارنالعان. جالپى، مۇنداي باعدارلامالاردىڭ تيىمدىلىگى جوعارى. ماسەلەن، اتالعان باعدارلامالار قابىلدانعان ءبىر جىلدىڭ ىشىندە جالپى قىلمىس دەڭگەيى 7%-عا ازايدى. ونىڭ ىشىندە: كىسى ءولتىرۋ، قاراقشىلىق، توناۋ، بۇزاقىلىق، ۇرلىق ايتارلىقتاي تومەندەدى. سونداي-اق بۇرىن سوتتالعاندار تاراپىنان ورىن الاتىن قىلمىستار، قوعامدىق ورىندارداعى، كوشەلەردەگى جانە اتىس قارۋىمەن جاسالعان قىلمىستار دا ازايدى.
كوشەلەردەگى قاۋىپسىزدىكتى كۇشەيتۋ ءۇشىن پاترۋل تىعىزدىعى ارتتىرىلدى. ساياباقتار مەن اۋلا قاۋىپسىزدىگى باستى نازارعا الىندى. حالىق كوپ جينالاتىن ورىنداردا دابىل تۇيمەلەرى مەن ستاسيونارلىق بەكەتتەر ورناتىلدى.
بەينەباقىلاۋ جۇيەلەرى دامىپ كەلەدى. بيۋدجەتكە سالماق سالماي، ءارتۇرلى مەنشىكتەگى كامەرالار ىسكە قوسىلىپ جاتىر. قازىرگى ۋاقىتتا قوعامدىق ورىنداردا 1،5 ملن كامەرا جۇمىس ىستەيدى. ونىڭ 500 مىڭعا جۋىعى جەدەل باسقارۋ ورتالىعىنا قوسىلعان. بۇل جۇمىستار ءارى قاراي جالعاسىن تابادى. ساۋدا ورتالىقتارى مەن بازارلاردان باستاپ، ۆوكزال مەن اۋەجايعا دەيىن ءىرى نىساندار، مەكتەپتەر، كىرەبەرىستەر، ليفتتىلەر جانە اۆتوبۋستار دا بەينەباقىلاۋ جۇيەسىنە قوسىلۋدا. بۇگىندە قىلمىستاردىڭ 58%-ى بەينەباقىلاۋ كومەگىمەن اشىلىپ كەلەدى. بيىلدىڭ وزىندە 523 مىڭ اكىمشىلىك قۇقىق بۇزۋشىلىقتىڭ جولى كەسىلدى.
ىشكى ىستەر مينيسترلىگى بالالاردىڭ قۇقىقتارىن قورعاۋدى كۇشەيتۋ ماقساتىندا زاڭنامالىق اكتىلەردى تۇراقتى نەگىزدە جەتىلدىرىپ وتىرادى. سوڭعى جىلدارى مەملەكەت باسشىسىنىڭ تاپسىرمالارىنا سايكەس كامەلەتكە تولماعاندارعا قاتىستى جىنىستىق سيپاتتاعى قىلمىستار ءۇشىن جاۋاپكەرشىلىك ەداۋىر قاتاڭداتىلدى. زورلاۋ جانە جىنىستىق زورلىق-زومبىلىق سياقتى قىلمىستاردىڭ تۇرلەرى اۋىر قىلمىستار ساناتىنا جاتقىزىلدى. وسىلايشا، تاراپتاردىڭ تاتۋلاسۋ مۇمكىندىگى الىنىپ تاستالدى.
سونىمەن قاتار، پەدوفيلدەر ەندى كەشىرىم جاساۋ جانە مەرزىمىنەن بۇرىن بوساتۋ قۇقىعىنسىز ماكسيمالدى قاۋىپسىزدىك مەكەمەلەرىندە ۇستالادى. كامەلەتكە تولماعانداردىڭ جىنىستىق تيىسپەۋشىلىگىنە قارسى قىلمىستاردى جاسىرعان ادامدارعا قاتىستى 6 جىلعا دەيىن باس بوستاندىعىنان ايىرۋ تۇرىندەگى جاۋاپكەرشىلىك كوزدەلگەن.
ەلىمىزدىڭ بارلىق وڭىرلەرىندە اكىمدىكتەر جانىنان ۆەدومستۆوارالىق موبيلدىك توپتار قۇرىلدى، ولاردىڭ قۇرامىنا بالا قۇقىقتارى جونىندەگى ۋاكىلدەر، مۇددەلى مەملەكەتتىك ورگاندار (اكىمدىكتەردىڭ، الەۋمەتتىك قورعاۋ، قورعانشىلىق جانە قامقورشىلىق، دەنساۋلىق ساقتاۋ ورگاندارىنىڭ وكىلدەرى، ۋچاسكەلىك پوليسيا ينسپەكتورلارى، پروكۋراتۋرا)، سونداي-اق بالالاردىڭ قۇقىقتارىن بۇزۋ فاكتىلەرىنە جەدەل دەن قويۋ ءۇشىن چاتتار اشىلدى.
مۇددەلى مەملەكەتتىك ورگاندارمەن بىرلەسىپ زورلىق-زومبىلىققا، جابىرلەۋگە (بۋللينگ)، كيبەربۋللينگكە ۇشىراعان نەمەسە كۋا بولعان كامەلەتكە تولماعانداردى ەرتە انىقتاۋ جانە ولارعا كومەك كورسەتۋ جونىندەگى ادىستەمە ىسكە اسىرىلۋدا (2023 جىلعى جەلتوقساندا وم، ءىىم، دسم، مام، ەحاقم مەملەكەتتىك ورگاندارىنىڭ بىرلەسكەن بۇيرىعىمەن بەكىتىلگەن).
وتكەن جىلدىڭ 15 ساۋىرىندە بالالارعا قاتىستى زورلىق-زومبىلىقتىڭ كەز كەلگەن ءتۇرى ءۇشىن جاۋاپكەرشىلىكتى قاتاڭداتۋ بويىنشا زاڭنامالىق تۇزەتۋلەر قابىلداندى. ءاربىر مەكتەپكە كامەلەتكە تولماعاندار اراسىندا پروفيلاكتيكالىق ءىس-شارالاردى تۇراقتى نەگىزدە جۇرگىزەتىن ۋچاسكەلىك پوليسيا، يۋۆەنالدى جانە كريمينالدىق پوليسيا ينسپەكتورلارى قاتارىنان پوليسيا قىزمەتكەرلەرى بەكىتىلدى.
قۇقىق بۇزۋشىلىقتاردى جۇيەلى تۇردە جاسايتىن بالالار كامەلەتكە تولماعانداردىڭ ءىسى جانە ولاردىڭ قۇقىعىن قورعاۋ كوميسسياسىندا قارالادى جانە ارنايى ءبىلىم بەرۋ ۇيىمدارىنا جىبەرىلەدى. بالالاردىڭ زاڭعا باعىناتىن مىنەز-قۇلقىن قالىپتاستىرۋ جانە ولاردىڭ قۇقىقتىق ساۋاتتىلىعىن ارتتىرۋ ماقساتىندا پوليسيا ورگاندارى تۇراقتى نەگىزدە نىسانالى جەدەل الدىن الۋ ءىس-شارالارىن جۇرگىزەدى. وسى جانە باسقا شارالار بالالاردىڭ قۇقىقتارىن قورعاۋ سالاسىنداعى جاعدايدى ايتارلىقتاي جاقسارتۋعا ىقپال ەتەدى.
ىشكى ىستەر مينيسترلىگى ۆەدومستۆولىق وقۋ ورىندارىمەن بىرلەسە وتىرىپ، پوليسەيلەردىڭ كاسىبي جەدەلدىگى، بىلىكتىلىگىن، قۇقىقتىق ساۋاتتىلىعىن جانە زاماناۋي تەحنولوگيالاردى قولدانۋ قابىلەتىن ارتتىرۋعا باعىتتالعان جاڭا تاسىلدەردى ازىرلەپ، جۇزەگە اسىرۋدا. وقۋ باعدارلامالارى پراكتيكالىق داعدىلاردى، سىني ويلاۋدى، قۇقىق قولدانۋ تاجىريبەسىن جانە ستاندارتتى ەمەس جاعدايلاردا شەشىم قابىلداۋ قابىلەتىن دامىتۋعا باعىتتالىپ قۇرىلادى. ءبىلىم بەرۋ باعدارلامالارى كاسىبي ستاندارتتاردى ەسكەرە وتىرىپ جاڭارتىلۋدا، يننوۆاسيالىق وقىتۋ ادىستەرىن، زاماناۋي تەحنولوگيالار مەن جابدىقتاردى پايدالانۋعا نەگىزدەلگەن.
قازاقستان پوليسياسىنىڭ بىلىم-بىلىگىن، كاسىبي دەڭگەيىن الەمدىك كورسەتكىشتەرگە سايكەستەندىرۋ باعىتىندا تاجىريبە الماسۋ جۇمىستارى تۇراقتى جۇرگىزىلەدى. سونىڭ ىشىندە حالىقارالىق ۇيىمدارمەن (ەقىۇ، بۇۇ، حەۇ، ەو، ەۋروپا كەڭەسى، ينتەرپول، UNODC جانە ت.ب.) بىرلەسكەن ترەنينگتەر وتكىزىلەدى.
IT سالاسىنداعى داعدىلارى بار كريمينولوگتاردى دايارلاۋ باعدارلاماسى ازىرلەنۋ ساتىسىندا، بۇل باعدارلاما دا حالىقارالىق تاجىريبەگە نەگىزدەلگەن.
پوليسيا قىزمەتكەرلەرىنىڭ سانىنا قاتىستى اقپارات قىزمەتتىك دەرەكتەر بولىپ سانالادى، ول جاريالاۋعا جاتپايدى.
جكو-نىڭ ستاتيستيكالىق دەرەكتەرىنىڭ جانە وندا زارداپ شەككەندەر سانىنىڭ ءوسۋى 2024 جىلعى ماۋسىمنان باستاپ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتتىڭ جكو-نى ەسەپكە الۋ ءتاسىلىنىڭ وزگەرۋىمەن بايلانىستى، بۇل باس پروكۋراتۋرانىڭ حاتىمەن راستالادى (2025 جىلعى 3 ماۋسىمداعى №2-01-25-38898).
ءقازىر دەنساۋلىققا كەلتىرىلگەن زيانعا قاراماستان، جكو-دان كەيىن مەديسينالىق مەكەمەلەرگە جۇگىنگەن بارلىق ادامدار ەسەپكە الىنادى (بۇرىن سوت-مەديسينالىق ساراپتاما جۇرگىزۋ قاجەت بولعان).
2025 جىلدىڭ 10 ايىندا قازا تاپقاندار 3%-عا تومەندەدى. تاۋەلسىزدىك كەزەڭىندە ەلىمىزدىڭ اۆتوپاركى 2 ملن-نان 5،5 ملن-عا دەيىن ءوستى.
سونىمەن قاتار، ەل ارقىلى وتەتىن 3 ميلليون ترانزيتتىك اۆتوكولىك بار. بۇل كولىك سانى مەن جولداعى تىعىزدىققا اسەر ەتەدى.
بۇل رەتتە، ءىىم قابىلداپ جاتقان شارالار اپاتتىلىقتى ايتارلىقتاي تومەندەتۋگە قول جەتكىزدى.
سونداي-اق، اپاتقا بىرنەشە فاكتورلار اسەر ەتەدى.
ءبىرىنشى فاكتور. كولىك ءتارتىبىنىڭ تومەندىگى، جكو-نىڭ 90% جۇرگىزۋشىلەردىڭ كىناسىنەن جاسالادى.
جىل سايىن پوليسيا 13 ملن جول ءجۇرىسى قاعيدالارىن (بۇدان ءارى-ججق) بۇزۋدىڭ جولىن كەسەدى. 2025 جىلى اۋىر زارداپتارعا اكەلۋى مۇمكىن جول ەرەجەلەرىن بۇزۋشىلىق 20%-عا، قارسى جولاققا شىعۋ فاكتىلەرى 16%-عا كوپ انىقتالدى، 16،6 مىڭ «ماس» جۇرگىزۋشى ۇستالدى.
«ءتارتىپتى» ارتتىرۋ ءۇشىن جولدا پاترۋلدىك مارشرۋتتاردىڭ سانى ۇلعايتىلدى، جەدەل پروفيلاكتيكالىق ءىس-شارالار وتكىزىلەدى («ءقاۋىپسىز جول»، «قۇقىقتىق ءتارتىپ»، «اۆتوبۋس»، «ابايلاڭىز، بالالار!» جانە ت.ب.).
درونداردىڭ كومەگىمەن جول ءجۇرىسىن باقىلاۋ ەنگىزىلدى. ولار ججق 3،6 مىڭ بۇزۋشىلىقتى انىقتادى، ونىڭ ىشىندە 1 مىڭى – قارسى جولاققا شىعۋ، 300 فاكتى – ءقاۋىپتى باسىپ وزۋ.
ولار 7 وبلىستا قولدانىلادى: الماتى، اتىراۋ، اقتوبە، شقو، قوستاناي، ماڭعىستاۋ، تۇركىستان.
جولدا ججق بۇزۋشىلىقتاردى تىركەۋدىڭ 27 مىڭ اۆتوماتتى كامەراسى ورناتىلدى، ولار 7،9 ملن ججق بۇزۋدى انىقتادى.
ججق بۇزۋشىلىقتاردى تىركەۋ جۇيەلەرىن ەنگىزۋ جول جۇرىسىنە قاتىسۋشىلاردىڭ ءتارتىبىن ارتتىرىپ قانا قويماي، اپات دەڭگەيىنىڭ تومەندەۋىنە ايتارلىقتاي اسەر ەتەدى.
پروفيلاكتيكالىق ءىس-شارالاردى وتكىزۋ ءۇشىن «ورەسكەل بۇزۋشىلارمەن» بارلىق سيفرلىق شەشىمدەردى («ITC»، «قورعاۋ»، «ىزدەستىرۋ جانە باعدارلاۋ جونىندەگى اناليتيكالىق پلاتفورما») جانە كامەرالاردى «تور» ءبىرىڭعاي پلاتفورماسىنا بىرىكتىردىك.
باعدارلاما مىندەتتەردى كەشەندى تۇردە شەشەدى:
- كولىك ءجۇرىسىن قاداعالاۋ؛
- ىزدەۋدە جۇرگەن اۆتوكولىكتى ماركاسى، مودەلى جانە ءتۇسى بويىنشا ىزدەۋ؛
- اگرەسسيۆتى جۇرگىزەتىن «ءقاۋىپتى جۇرگىزۋشىلەردى» ىزدەۋ؛
- 8 ساعاتتان استام ۇزدىكسىز جۇرەتىن «شارشاعان جۇرگىزۋشىلەردى» باقىلاۋ.
اپاتتى تومەندەتۋ ءۇشىن الدىن الۋ شارالارىن ىسكە اسىرۋ ماقساتىندا رەسپۋبليكالىق جولداردا ورتاشا جىلدامدىقتى باقىلاۋ ەنگىزىلدى، بۇل جول ءجۇرىسى قاۋىپسىزدىگىن قامتاماسىز ەتۋ جانە جكو سانىن ازايتۋ ءۇشىن ماڭىزدى ماسەلە.
قازىرگى ۋاقىتتا باقىلاۋ 8 نەگىزگى اۆتوموبيل جولدارىندا ورناتىلعان، ونىڭ جالپى ۇزىندىعى 2 مىڭ شاقىرىمعا جۋىقتايدى.
ەكىنشى فاكتور. جۇرگىزۋشىلەردى دايارلاۋ ساپاسى.
ءتارتىپتى ارتتىرۋ، پروسەستەردى جەتىلدىرۋ جانە جۇرگىزۋشى كۋالىكتەرىن بەرۋ كەزىندە زاڭدىلىقتىڭ بۇزىلۋىنا ىقپال ەتەتىن جاعدايلاردى جويۋ ماقساتىندا كەزەڭ-كەزەڭىمەن كەشەندى شارالار قابىلدانادى.
ماسەلەن، ءىىم-نىڭ 2024 جىلعى 10 ساۋىردەگى №315 بۇيرىعىمەن مەحانيكالىق كولىك قۇرالدارىنىڭ جۇرگىزۋشىلەرىن دايارلاۋ، ەمتيحانداردى قابىلداۋ جانە جۇرگىزۋشى كۋالىكتەرىن بەرۋ قاعيدالارىنا (ءىىم-نىڭ 02.12.2014 ج. № 862 بۇيرىعى) ءوز بەتىنشە دايىندالىپ ەمتيحانداردى تاپسىرۋ جانە ا، ۆ ساناتىنداعى، ا1، ۆ1 كىشى ساناتتارىنداعى كولىك قۇرالدارىن باسقارۋ قۇقىعىن الۋ مۇمكىندىگىن بولدىرماۋ بولىگىندە وزگەرىستەر ەنگىزىلدى.
تەست وتكىزۋ كەزىندە ەمتيحان سىنىپتارىن تەحنيكالىق جاراقتاندىرۋ بويىنشا ەمتيحان الۋشىلاردى بيومەتريالىق سايكەستەندىرۋدى، بەينەجازبانى جۇرگىزۋدى، مەتالل ىزدەگىشتەردى پايدالانۋدى جانە ت.ب. قامتيتىن ەڭ تومەنگى تەحنيكالىق تالاپتار بەلگىلەندى.
كولىك قۇرالدارىنىڭ جۇرگىزۋشىلەرىن دايارلاۋ جونىندەگى كاسىپتىك بىرلەستىكتەردىڭ اقپاراتتىق جۇيەسىن پايدالانا وتىرىپ، وقۋ ۇيىمدارىندا ادامداردى ەسەپكە الۋدى ۇيىمداستىرۋ كوزدەلگەن.
اۆتومەكتەپتە وقۋ كۋرستارىن ەلەكتروندىق فورماتقا اۋىستىرۋمەن اياقتاۋ تۋرالى قاعاز تۇرىندەگى مەديسينالىق انىقتامالار مەن كۋالىكتەر الىنىپ تاستالدى.
اعىمداعى جىلدىڭ قاڭتار ايىنان باستاپ ءىىم «ازاماتتارعا ارنالعان ۇكىمەت «مەملەكەتتىك كورپوراسياسى» كەاق-مەن بىرلەسىپ «اۆتومەكتەپ» اۆتوماتتاندىرىلعان اقپاراتتىق جۇيەسى پايدالانىلۋدا.
قازىرگى ۋاقىتتا اۆتومەكتەپتەر مەن وندا وقيتىنداردى تىركەۋ، سونداي-اق وقۋ كۋرستارىن بىتىرگەنى تۋرالى كۋالىك بەرۋ كورسەتىلگەن جۇيە ارقىلى راستالادى.
باس پروكۋراتۋرامەن بىرلەسىپ اۆتومەكتەپتەرگە تەكسەرۋ جۇرگىزىلەدى، تەكسەرۋ ناتيجەلەرى بويىنشا جالعان وقىتۋدىڭ 2 مىڭنان استام فاكتىسى انىقتالدى، 32 اۆتومەكتەپ جۇمىس ىستەۋدى توقتاتتى، 75 اۆتومەكتەپ تەحنيكالىق تالاپتارعا سايكەس كەلمەدى (ءورت دابىلىنىڭ، رەيس الدىنداعى مەديسينالىق تەكسەرۋلەردىڭ، وقۋ كولىك قۇرالدارىنىڭ بولماۋى، سونداي-اق ەلەكتر قاۋىپسىزدىگى مەن سانيتارلىق نورمالاردىڭ تالاپتارىن ورىنداماۋ).
تەكسەرۋ قورىتىندىسى بويىنشا ۋاكىلەتتى ورگاندار جۇرگىزۋشى كۋالىكتەرىن بەرۋ كەزىندە زاڭدىلىقتى بۇزۋعا ىقپال ەتەتىن جاعدايلاردى جويۋعا باعىتتالعان كولىك قۇرالدارىنىڭ جۇرگىزۋشىلەرىن دايارلاۋ پروسەستەرىن جەتىلدىرۋ جونىندە قوسىمشا ۇسىنىستار ازىرلەدى.
وقۋ ۇيىمدارىن اشۋدىڭ حابارلامالىق تارتىبىنەن رۇقسات بەرۋ تارتىبىنە كوشۋدى، سونداي-اق كولىك قۇرالدارىنىڭ جۇرگىزۋشىلەرىن دايارلاۋ جونىندەگى كاسىپتىك بىرلەستىكتەر مەن وقۋ ۇيىمدارىنىڭ قىزمەتىنە مەملەكەتتىك باقىلاۋ تەتىكتەرىن ەنگىزۋدى كوزدەيتىن «جول ءجۇرىسى تۋرالى»، «رۇقساتتار جانە حابارلامالار تۋرالى» زاڭدارعا تۇزەتۋلەر دايىندالدى.
ىشكى ىستەر ءمينيسترى مەن ۇلتتىق ەكونوميكا ءمينيسترىنىڭ «كولىك قۇرالدارىنىڭ جۇرگىزۋشىلەرىن دايارلاۋ جونىندەگى وقۋ ۇيىمدارىندا جول ءجۇرىسى قاۋىپسىزدىگىن قامتاماسىز ەتۋدىڭ تاۋەكەلدەر دارەجەسىن باعالاۋ كريتەرييلەرىن جانە تەكسەرۋ پاراقتارىن بەكىتۋ تۋرالى» بىرلەسكەن بۇيرىعىنىڭ جوباسى ازىرلەندى.
ءۇشىنشى فاكتور. جول ينفراقۇرىلىمى.
وتەتىن كولىكتىڭ ءترانزيتى ۇلعايۋدا (3 ملن بىرلىككە دەيىن).
بۇل رەتتە جول ينفراقۇرىلىمى ءالى دە جەتكىلىكتى دامىماعان.
حالىقارالىق تاجىريبە ونىڭ اپاتقا تىكەلەي اسەرىن دالەلدەدى.
بۇگىنگى تاڭدا رەسپۋبليكالىق جولداردىڭ تەك 12%-ى (25 مىڭ شاقىرىمنىڭ 3 مىڭى) قاۋىپسىزدىك تالاپتارىنا سايكەس كەلەدى.
مۇنداي جولداردا قايتا جوندەۋدەن كەيىن ادام شىعىنى بىرنەشە ەسە ازايدى.
ءتورت جانە ودان دا كوپ جولاقتارى بار 6 مىڭ شاقىرىمنان استام جول سالۋ قاجەت (1 سانات).
ولاردىڭ ىشىندە وبلىس ورتالىقتارى اراسىنداعى تراسسالار بار:
- اتىراۋ، اقتوبە جانە ورال؛
- وسكەمەن، سەمەي؛
– قاراعاندى، جەزقازعان، قىزىلوردا؛
– قاراعاندى، پاۆلودار جانە ت.ب.
ءقاۋىپسىز جولداردى سالۋ – بۇل ۇزاق مەرزىمدى شارالار، ءبىراق اپات جاعدايىنا تىكەلەي اسەر ەتەتىن جانە ءقازىر شەشىلۋى مۇمكىن ماسەلەلەر بار.
جولدارداعى شۇڭقىرلار، بەلگىلەردىڭ بولماۋى، ناشار جارىقتاندىرۋ، قورشاۋلاردىڭ بولماۋى جانە جول قوزعالىسىن دۇرىس ۇيىمداستىرماۋ، ونىڭ ىشىندە قايتا قۇرۋ نەمەسە جوندەۋ جۇرگىزىلەتىن ۋچاسكەلەر ءار وڭىردە بار.
پوليسيا 513،7 مىڭ شاقىرىمدى قامتۋمەن ەلدى مەكەندەردىڭ اۆتوموبيل جولدارى مەن كوشە-جول جەلىسىنە 35،9 مىڭ تەكسەرۋ جۇرگىزدى، جول ءجۇرىسى قاۋىپسىزدىگىنە تەرىس اسەر ەتەتىن 65،1 مىڭ اقاۋ انىقتالدى، ولاردى جويۋعا 34،7 مىڭ ۇيعارىم بەرىلدى، 5،5 مىڭ لاۋازىمدى جانە زاڭدى تۇلعا اكىمشىلىك جاۋاپكەرشىلىككە تارتىلدى.
ناتيجەسىندە بەرىلگەن نۇسقامالار بويىنشا 1 مىڭ شاقىرىم قورشاۋ، 760 باعدارشام، 11 مىڭ جول بەلگىسى ورناتىلدى.
سونىمەن قاتار، جاياۋ جۇرگىنشىلەردىڭ قاۋىپسىزدىگىن ارتتىرۋ ءۇشىن 59،7 مىڭ شاقىرىم تروتۋارلاردى، 15،3 مىڭ شاقىرىم جارىقتاندىرۋدى، 3،1 ملن سىزىقتى مەتر توسقاۋىل قورشاۋلاردى، 1،8 مىڭعا جۋىق جاياۋ جۇرگىنشىلەر وتكەلدەرىن جايلاستىرۋ، سونداي-اق 1،2 مىڭ جاياۋ جۇرگىنشىلەر وتكەلدەرىن رەتتەلمەيتىندەردەن رەتتەلەتىندەرگە اۋىستىرۋ قاجەت.