قىلمىس الەمىنىڭ «سەركەسى» ۇستالدى

كۇدىكتىلەر قامقورلىق كورسەتۋگە جانە اقمولا وبلىسىنىڭ بيزنەسمەندەرىنىڭ اراسىنداعى مۇلىكتىك داۋدى شەشۋگە ۋادە بەرگەن

ۇيىمداسقان قىلمىسقا قارسى كۇرەس بولىمشەلەرى ارنايى جەدەل-ىزدەستىرۋ ءىس-شارالارىنىڭ ناتيجەسىندە ۇيىمداسقان قىلمىستىق توپتىڭ جەتەكشىسىن، قىلمىستىق الەمنىڭ «سەركەسىن» ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.

ولار بيىل ءساۋىر ايىندا ەلوردانىڭ تۇنگى كلۋبتارىنىڭ كۇزەت قىزمەتىنە ىقپال ەتۋ سالالارىن ءبولىسۋ ءۇشىن بولعان جانجالعا قاتىسۋى مۇمكىن دەگەن كۇدىك كەلتىرىلىپ وتىر. وسى جانجال كەزىندە اتىس قارۋىنان ەكى ادام جاراقات العان ەدى.

سونداي-اق بۇدان وزگە اسا ءىرى كولەمدە الاياقتىق جاسادى دەگەن قىلمىستىق ارەكەت بويىنشا قىلمىستىق توپتىڭ باسشىسى ۇستالدى.

كۇدىكتىلەر قامقورلىق كورسەتۋگە جانە اقمولا وبلىسىنىڭ بيزنەسمەندەرىنىڭ اراسىنداعى مۇلىكتىك داۋدى شەشۋگە ۋادە بەرگەن، تولەم رەتىندە ءوڭىر اۋماعىنداعى سوماسى 150 ملن تەڭگە تۇراتىن ەكى ءۇي مەن ەكى كوتتەدجدى ءوز تۋىسقاندارىنىڭ اتىنا رەسىمدەۋگە كوندىرگەن.

ۇستالعاندار ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ جۇرگىزىلۋدە جانە ولاردىڭ باسقا قىلمىستارعا قاتىسىنىڭ بار-جوعى تەكسەرىلۋدە.