ەرتەڭ قۇتقارۋشىلار كۇنى. 1995 جىلى قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسىنىڭ توتەنشە جاعدايلار جونىندەگى مەملەكەتتىك كوميتەتى قۇرىلعان بولاتىن. وسىنىڭ نەگىزىندە 19 قازان قۇتقارۋشىلار كۇنى بولىپ بەلگىلەندى.
قۇتقارۋشىلار ازاماتتىق قورعانىسىنىڭ نەگىزگى مىندەتتەرىن، قۇرىلۋى مەن جۇمىس iستەۋىنىڭ ۇيىمداستىرۋشىلىق قاعيداتتارىن، مەملەكەتتىك ماتەريالدىق رەزەرۆ قالىپتاستىرۋدى، ساقتاۋدى جانە پايدالانۋدى، اپاتتىق قۇتقارۋ قىزمەتتەرى مەن قۇرالىمدارىنىڭ ۇيىمداستىرىلۋى مەن قىزمەتىن ايقىندايدى.
ق ر «ازاماتتىق قورعاۋ» زاڭى بويىنشا ءىس-شارالاردى جۇرگىزۋ پروسەسىندە تۋىندايتىن قوعامدىق قاتىناستاردى رەتتەيدى ءارى تابيعي جانە تەحنوگەندىك سيپاتتاعى توتەنشە جاعدايلار مەن ولاردىڭ سالدارلارىن الدىن الۋعا جانە جويۋعا، توتەنشە جاعداي ايماعىنداعى حالىققا شۇعىل مەديسينالىق جانە پسيحولوگيالىق كومەك كورسەتۋگە، ءورت قاۋىپسىزدىگى مەن ونەركاسىپتىك قاۋىپسىزدىكتى قامتاماسىز ەتۋگە باعىتتالعان.
قۇتقارۋشى ماماندىعىنىڭ ەڭ باستى مىندەتى ادامدار ءومىرىن قۇتقارۋ، بۇل جوعارى جانە جاۋاپتى ميسسيا. ولاردىڭ باستى مىندەتى — حالىقتىڭ بەيبىت ءومىرىن، تۇرمىستاعى، وندىرىستەگى قاۋىپسىزدىگىن قامتاماسىز ەتىپ، اپاتتىق جاعدايعا جول بەرمەۋ. اپات ايتىپ كەلمەيدى. توسىننان بولعان اپات كەزىندە ازامتتارعا ءبىرىنشى بولىپ كومەككە ۇمتىلاتىن توتەنشە جاعدايلار قىزمەتىنىڭ قۇتقارۋشىلارى. بۇل ءىس كەز كەلگەننىڭ قولىنان كەلە بەرمەيدى. وعان ۇلكەن جۇرەك، ماشىق، ءبىلىم مەن بىلىك جانە تاجىريبە كەرەك.
ءار وڭىردەگى دەپارتتامەنتتە دە جەدەل قۇتقارۋ جاساعى، ءورت ءسوندىرۋ، اپاتتىق مەديسينا، سۋدان قۇتقارۋ سەكىلدى بىرنەشە قۇرىلىم بار. قۇتقارۋشىلارعا فيزيكالىق جاعىنان مىقتى ءارى كاسىبي مامان بولۋ جەتكىلىكسىز. ويتكەنى، ولاردىڭ تىنىمسىز قىزمەتىندە اپات، ءزىلزالا، ورتتەن بولەك ءتۇرلى جاعدايلاردا زارداپ شەككەندەرگە پسيحولوگيالىق كومەك كورسەتۋگە دە تۋرا كەلەدى.