13 تامىزدا تۇنگى ساعات 1.15-تە تجم رەسپۋبليكالىق جەدەل-قۇتقارۋ جاساعىنىڭ جەدەل توبى ءتۋريستى ىزدەۋگە تاۋعا شىقتى،
2005 جىلى تۋعان جاس جىگىت 12 تامىزدا تاڭەرتەڭ كوكجايلاۋ شاتقالىنا كەتىپ، ونىڭ تەلەفونى ءوشىرۋلى بولعان.
«قۇتقارۋشىلار تاۋدا جوعالعان ادامدى تۇنگى ساعات ۇشتە تاپتى. قاتتى جاۋعان جاڭبىر مەن قاراڭعى تۇسۋىنە بايلانىستى تۋريست شاتقالدان وزدىگىنەن تۇسە الماعان.س اعات 5.20-دا قۇتقارۋشىلار ءجاسوسپىرىمدى تۋىستارىنا جەتكىزدى»، - دەپ جازدى رەسپۋبليكالىق جەدەل-قۇتقارۋ جاساعىنىڭ باسپا ءسوز قىزمەتى.
تجم قۇتقارۋشىلارى ەسكە سالادى:
- تاۋعا شىقپاس بۇرىن باعىتىڭىزدى، اۋا رايىن زەرتتەڭىزدەر، تۋىستارىڭىزعا نەمەسە تانىستارىڭىزعا وزدەرىڭىزدىڭ باعىتىڭىز جانە قالاعا ورالۋ ۋاقىتىن ايتىپ كەتكەن ءجون.
سونىمەن قاتار، مىندەتتى تۇردە وزىڭىزبەن سۋ وتكىزبەيتىن پاكەتتە سىرىڭكە مەن زاريادتالعان پاۋەربانك الىپ جۇرىڭىزدەر