2023 جىلعى 11 جەلتوقساندا 112 قۇتقارۋ قىزمەتىنە «اقتوبە-استراحان» تاس جولىنىڭ 197 كم جۇك اۆتوكولىگى بۇزىلىپ، تۇرىپ قالعانى تۋرالى اقپارات كەلىپ ءتۇستى. ناتيجەسىندە، قۇتقارۋشىلار وقيعا ورنىنا بارىپ، 2 جولاۋشىنى شۇبارقۇدىق جىلىتۋ پۋنكتىنە جەتكىزدى، دەپ حابارلايدى Almaty-akshamy.kz اقتوبە وبلىسى تجد قوعاممەن بايلانىس توبىنا سىلتەمە جاساپ.
ودان كەيىن ساعات 19:38-دە ايتەكە بي اۋدانىنىڭ ۇلعايسىن اۋىلى اۋدانىندا جەڭىل اۆتوكولىك بۇزىلىپ، تۇرىپ قالعانى تۋرالى اقپارات كەلىپ ءتۇستى. ناتيجەسىندە قۇتقارۋشىلار 1979 جانە 2001 جىلى تۋعان قىرعىزستان ازاماتتارىن قۇتقارىپ، «ارافات» كەمپينگىنە جەتكىزدى.
سونىمەن قاتار بايعانين اۋدانىنىڭ قۇتقارۋشىلارى اقتوبە-استراحان تاس جولىنىڭ 275 كم تۇرىپ قالعان ەكى ادامعا كومەككە كەلدى.
قاۋىپسىزدىك ەرەجەلەرىن ساقتاۋ قاجەتتىگىن ەسكە سالادى.
قولايسىز اۋا-رايىندا جانە تاۋلىكتىڭ قاراڭعى ۋاقىتىندا جەتۋى قيىن جەرگە بارماڭىزدار.
قالا سىرتىنا باراتىن بولساڭىز، جولداردىڭ جاي-كۇيى تۋرالى «دارمەن» ءموبيلدى قوسىمشاسىنان بىلۋگە بولادى.
اۆتوموبيلمەن جولعا شىققاندا العاشقى كومەك جيناعىن، تروستى، زاريادتالعان تەلەفوندى ءارقاشان الىپ جۇرىڭىزدەر، جاقىن ادامدارىڭىزعا وزدەرىڭىزدىڭ ورنالاسقان جەرىڭىز جانە جوسپارلانعان قايتۋ ۋاقىتى تۋرالى حابارلاڭىزدار.
توتەنشە جاعداي بولعان جاعدايدا 101 نەمەسە 112 بايلانىس نومىرلەرىنە حابارلاڭىزدار.