تۇركياعا كومەككە كەتكەن قازاقستاندىق قۇتقارۋشىلاردىڭ العاشقى لەگى ەلگە ورالدى.
38 ادامنان قۇراتىن، قۇرامىندا قۇتقارۋشىلار مەن مەديسينا ماماندارى بار العاشقى قازاقستاندىق توپ الماتىعا كەلدى، دەپ حابارلايدى اlmaty-akshamy.kz
الماتى قالالىق توتەنشە جاعدايلار دەپارتامەنتىنىڭ مالىمەتىنشە، تۇركيانىڭ گازيانتەپ قالاسىنان توتەنشە جاعدايلار مينيسترلىگىنىڭ يل-76 بورتىمەن رەسپۋبليكالىق جەدەل قۇتقارۋ جاساعىنىڭ 33 قىزمەتكەرى كەلدى. ولاردىڭ اراسىندا 3 كينولوگتار توبى مەن 5 اپاتتار مەديسيناسىنىڭ دارىگەرلەرى بار. گازيانتەپ قالاسىندا 12 كۇن جۇمىس ىستەگەن جاساقتى الماتىداعى توتەنشە جاعداي دەپارتامەنتىنىڭ قىزمەتكەرلەرى، تۋىسقاندارى كۇتىپ الدى. قۇتقارۋشىلاردىڭ اراسىندا ەرلىگىمەن كوزگە تۇسكەن ەرىك بەرلىبەكوۆتىڭ ءيتى دجەيكوب تا بار. قۇتقارۋشىلارىمىز دجەيكوبتىڭ كومەگىمەن 76 ساعات قيراندى استىندا جاتقان وتباسىنى قۇتقارعان.
وتانداستارىمىز 250 مىڭ تەكشە مەتر ءۇيىندىنى ارشىپ، 7 ادامدى امان الىپ شىقتى. 88 ادامنىڭ ءمايىتىن تاپتى. قازاقستاندىق قۇتقارۋشىلاردىڭ ەكىنشى لەگى بۇگىن استاناعا كەلەدى دەپ جوسپارلانىپ وتىر.
