قۇتقارۋشىلار جۇقا مۇزدا ساق بولۋعا شاقىرادى

الماتى سۋ ايدىندارىنداعى مۇز جۇقا.

رەسپۋبليكالىق جەدەل-قۇتقارۋ جاساعىنىڭ باس قۇتقارۋشىسى ۆاديم پاكتىڭ ايتۋىنشا، كۇننىڭ جىلىپ، ەرۋىنە بايلانىستى ول بوساپ، اينالاسى ءقاۋىپتى  بولۋى  مۇمكىن، دەپ حابارلايدى Almaty-akshamy.kz

جەلتوقسانداعى قىسقا مەرزىمدى ايازعا قاراماستان الماتى سۋ ايدىندارىنداعى مۇز جۇقا.

"ءبىزدىڭ قىزمەتكەرلەرىمىز جۇقا مۇزدىڭ استىنا تۇسكەن ادامداردى قۇتقارۋدا ۇلكەن تاجىريبەگە يە. وسىنداي جاعدايلاردىڭ ءبىرى بۇعان دەيىن اۋەجاي كولىندە بولعان. ادامدار جولدى قىسقارتپاق بولىپ، كولدەن وتۋگە تىرىسىپ، جۇقا  مۇز  ۇستىمەن جۇرگەن. ول جارىلا باستاعان، ابىروي بولعاندا،  ءبىزدىڭ قىزمەتكەرلەر جاقىن جەردە بولىپ،    قايعىلى جاعدايدىڭ الدىن الدى. كوپتەگەن ادامدار جاسالعان  ەسكەرتۋدى ەلەمەيدى، مۇز ۇستىمەن جۇىگىرىپ وتە شىققىسى كەلەدى"، - دەدى ۆاديم پاك.

قۇتقارۋشىلار بالىقشىلار مەن جاياۋ جۇرگىنشىلەرگە قاۋىپسىزدىك شارالارى تۋرالى ەسكەرتەدى. بالالارعا ەرەكشە نازار اۋدارۋ كەرەك. قايعىلى جاعدايلاردى بولدىرماۋ ءۇشىن بولدىرماۋ ءۇشىن اتا-انالار ولارمەن پروفيلاكتيكالىق اڭگىمە جۇرگىزىپ، مۇزدا جانە سۋ وبەكتىلەرىنىڭ جانىندا ويناۋدان ساقتانۋى كەرەك.

سونداي-اق، قۇتقارۋشى پيروتەحنيكالىق بۇيىمداردى ءقاۋىپسىز پايدالانۋ تۋرالى ەسكە سالدى، ولاردى ءۇي-جايلاردىڭ ىشىندە تۇتاتۋعا جانە بالكونداردان ىسكە قوسپاۋعا قاتاڭ تىيىم سالىنادى.

وتشاشۋدى جاعۋ الاڭى تەگىس بولۋى كەرەك، ونىڭ ۇستىندە اعاشتار، ەلەكتر جەلىلەرى جانە باسقا كەدەرگىلەر بولماۋى كەرەك. جوعارى ساپالى ونىمدەردى پايدالانۋ قاجەت.