قۇرىلىس سالاسىنىڭ ماماندارى وقىتىلىپ جاتىر

قازقسعزي بازاسىندا قۇرىلىس ماماندىقتارىنىڭ ينجەنەرلەرى ينستيتۋتتىڭ بىلىكتى ماماندارىنان ءبىلىم الىپ كەلەدى

زاماناۋي تەحنولوگيالار، وزىق ماتەريالدار جانە سيفرلاندىرۋ. بۇگىنگى قۇرىلىس سالاسى وسىنداي قارقىنمەن وزگەرىپ جاتىر. دەمەك پەرسپەكتيۆالى جوبالاردى ورىنداۋ كەزىندە سوعان لايىقتى بىلىكتى ماماندار قاجەت، دەپ حابارلايدى Almaty-akshamy.kz.

بۇل كۋرس 3-5 كۇنگە ەسەپتەلىپ، عىلىمي-تەحنيكالىق ماتەريالدارمەن بىرگە سۇيەمەلدەنەدى. وقىتۋ باعدارلاماسى شەڭبەرىندە قازاقستان رەسپۋبليكاسىنىڭ قۇرىلىس سالاسىنىڭ نەگىزگى باعىتتارى، اتاپ ايتقاندا عيماراتتار مەن قۇرىلىستاردى جوبالاۋ مەن سالۋ بويىنشا ەۋروكودتارعا ۇقساس ق ر ەو بك قۇرىلىس نورمالارىن قولدانۋ قاراستىرىلعان. سونىمەن قاتار ماماندار «جەر سىلكىنىسىنە ءتوزىمدى قۇرىلىس نەگىزدەرى» باعىتىن زەرتتەپ جاتىر.

وقۋدى اياقتاعاننان كەيىن «قازقسعزي» اق تىڭداۋشىلاردى اتتەستاتتاۋدان وتكىزىپ، ءتيىستى كۋالىكتەردى تاپسىرادى. ايتا كەتەيىك، 2023 جىلدىڭ باسىنان بەرى 300-گە جۋىق مامان دايارلاندى.

بۇل وقىتۋ باعدارلامالارى قۇرىلىس ساپاسىن جاڭا دەڭگەيگە كوتەرۋگە جانە قۇرىلىس نىساندارىندا جۇمىس ىستەۋ كەزىندە قاۋىپسىزدىكتى ارتتىرۋعا سەپتەسەدى دەپ كوزدەلگەن. وقىتۋ تۇراقتى نەگىزدە جۇرگىزىلەدى.