مۇنداعى ماقسات – تۇرعىن ءۇي قۇرىلىسىنداعى قازاقستاندىق ۇلەستى ارتتىرۋ.
«نۇرلى جەر» باعدارلاماسى اياسىندا material.kz دەپ اتالاتىن قۇرىلىس ماتەريالدارىنىڭ ونلاين پلاتفورماسىن ىسكە قوسىلدى، دەپ حابارلايدى Almaty-akshamy.kz
قازاقستان تۇرعىن ءۇي كومپانياسى قۇرعان پلاتفورما قازاقستاندىق قۇرىلىس ماتەريالدارىن وندىرۋشىلەرگە وندا ۇسىنىلعان باعالارمەن ءوز ۆيتريناسىن جاساۋعا مۇمكىندىك بەرەدى، سونداي-اق قۇرىلىس كومپانيالارىنا وندىرۋشىلەردى ىزدەۋگە شىعىنسىز قازاقستاندىق قۇرىلىس ماتەريالدارىنا تىكەلەي قول جەتكىزۋگە مۇمكىندىك بەرەدى.
پلاتفورمادا تىركەۋدەن وتكەننەن كەيىن قازاقستاندىق قۇرىلىس ماتەريالدارىن وندىرۋشىلەر قۇرىلىس ماتەريالدارىنىڭ قاجەتتىلىكتەرىمەن تانىسا الادى جانە قۇرىلىس كومپانيالارىنا ەلەكتروندىق كوممەرسيالىق ۇسىنىستاردى تىكەلەي جىبەرە الادى. ءوز كەزەگىندە جەكە كابينەتتەردەگى قۇرىلىس كومپانيالارى ماتەريالداردى وندىرۋشىلەردەن كەلىپ تۇسكەن كوممەرسيالىق ۇسىنىستار تۋرالى حابارلاما الادى.