ساپاسىز قۇرىلىس ءۇشىن تەحنيكالىق قاداعالاۋ ورگاندارىن قىلمىستىق جاۋاپكەرشىلىككە تارتۋ قاجەت.
ءماجىلىس دەپۋتاتتارى قۇرىلىس كودەكسىنىڭ جاڭا جوباسىن تالقىلاپ، قۇرىلىس كەزىندە جىبەرىلگەن زاڭ بۇزۋشىلىقتار ءۇشىن جازانى كۇشەيتۋدى ۇسىندى، دەپ حابارلايدى 31 ارنانىڭ ينفورمبيۋرو اقپاراتتىق باعدارلاماسى.
حالىق قالاۋلىلارىنىڭ ايتۋىنشا، قازىرگى زاڭدا تەك ايىپپۇل تولەۋمەن شەكتەلگەن. ونەركاسىپ جانە قۇرىلىس ۆيسە-مينيسترى تيمۋر قاراعويشين جۇمىسىن ادال اتقارماعان قۇرىلىس كومپانيالارى جاۋاپقا تارتىلاتىنىن ايتتى. ەندى قۇرىلىس سالاسىندا ورەسكەل زاڭ بۇزۋشىلىققا جول بەرگەن كومپانيالار قارا تىزىمگە ەنىپ، قىزمەتىنە مۇلدەم تىيىم سالىنباق.
سونداي-اق جاڭا زاڭ جوباسى سەيسميكالىق ايماقتاردا قۇرىلىس جۇرگىزۋ ءۇشىن ءقاۋىپتى الدىن الۋدى باعالاۋدى مىندەتتەيدى. ايتا كەتەيىك، بيىل قاڭتاردا ۇكىمەت ماقۇلداعان قۇرىلىس كودەكسىمەن ساراپشىلار مەن بيزنەس-قوعامداستىقتار كەلىسپەي، قۇجاتتى مينيسترلىككە قايتا قاراۋعا جىبەرۋدى سۇراعان ەدى.
"مەملەكەتتىك باقىلاۋدى كۇشەيتۋ جونىندەگى جاڭا تاسىلدەر بولىمدەرى. جوسپارلى ينسپەكسيالاۋ مەحانيزمىن ەنگىزۋ جانە مەملەكەتتىك-قۇرىلىس باقىلاۋ جانە توتەنشە جاعدايلار ورگاندارىنىڭ وبەكتىلەردى پايدالانۋعا قابىلداۋعا قاتىسۋى. بارلىق بەرىلگەن رۇقساتتارعا ريەۆيزيا جۇرگىزۋ. شۇعىل ارەكەت جاساۋ شاراسىن ەنگىزۋ – بۇل قۇرىلىستى باقىلاۋدىڭ جاڭا نىسانى. ول انىقتالعان بۇزۋشىلىقتارعا جەدەل شارا قولدانۋعا مۇمكىندىك بەرەدى"، – دەدى ق ر ونەركاسىپ جانە قۇرىلىس ۆيسە-مينيسترى تيمۋر قاراعويشين.