سەنات دەپۋتاتى نۇرلان بەكنازاروۆ كونستيتۋسيالىق رەفورما جونىندەگى كوميسسيانىڭ ەكىنشى وتىرىسىندا قۇرىلتاي ءتوراعاسىنا قويىلاتىن ەڭ نەگىزگى تالاپتى اتادى، - دەپ حابارلايدى aqshamnews.kz.
- قۇرىلتايدى مەملەكەتتىك ءتىلدى ەركىن مەڭگەرگەن دەپۋتاتتار اراسىنان قۇرىلتاي دەپۋتاتتارىنىڭ جالپى سانىنىڭ كوپشىلىك داۋسىمەن جاسىرىن داۋىس بەرۋ ارقىلى سايلانعان ءتوراعا باسقارادى. قۇرىلتاي ءتوراعاسى لاۋازىمىنا كانديداتۋرانى ق ر پرەزيدەنتى ۇسىنادى، - دەدى ول.
ايتۋىنشا، كونستيتۋسيادا قۇرىلتاي ءتوراعاسىنىڭ قىزمەتىن رەتتەيتىن رەگلامەنت تە ناقتىلانادى.
- ۇسىنىستارمەن قۇرىلتايدىڭ ءبىرىنشى سەسسياسىن ق ر پرەزيدەنتى سايلاۋ قورىتىندىسى جاريالانعان كۇننەن باستاپ 30 كۇننەن كەشىكتىرمەي شاقىرۋى، قۇرىلتايدىڭ كەزەكتى سەسسيالارىن وتكىزۋ مەرزىمى ناقتىلانعان، - دەدى نۇرلان بەكنازاروۆ.
ايتا كەتۋ كەرەك، بۇل ايتىلىپ وتىرعان نورمالاردىڭ ءبارى ازىرگە ۇسىنىس قانا. نورمالاردىڭ قايسىسى قابىلدانىپ، قايسىسى اتا زاڭعا ەنبەيتىنىن رەفەرەندۋم شەشەدى.