جوتەل كوبىنە سۋىق تيگىزىپ العاننان پايدا بولادى، ال كەيدە ول برونحيت نەمەسە پنيەۆمونيانىڭ بەلگىسى بولۋى مۇمكىن. قالاي بولعاندا دا، ونىمەن مۇمكىندىگىنشە تەزىرەك كۇرەسۋ كەرەك. ءقازىر ۇلكەن-كىشىگە قاراماي، جوتەل تاماقتان الىپ تۇرعان كەزدە، ءبىزدىڭ كەڭەسىمىز پايداڭىزعا جاراسىن.
جوتەلدى ەمدەۋدى كەشەندى تۇردە جاساۋ كەرەك. جوتەلدەن دارىگەردىڭ جازىپ بەرگەن دارى-دارمەكتەرىن ءىشىپ، سونداي-اق حالىق ەمىنە جۇگىنۋ ارقىلى ەمدەلۋگە بولادى.
تاماقتىڭ جىبىرلاۋىنان باستالىپ، جۇتىندىرماي اۋىرتاتىن، ءارى قاراي ودان دا اسقىناتىن جوتەل، اسىرەسە، قىس مەزگىلىندە ءبىراز ادامنىڭ مازاسىن الادى. كوبىنەسە جوتەل ادامدى جاتقان كەزىندە ءجيى مازالايدى، تۇندە ۇيىقتاۋعا مۇمكىندىك بەرمەيدى، وسىنىڭ كەسىرىنەن ادام تولىعىمەن تىنىعا الماي، شارشاپ ويانادى.
اۋرۋ سيمپتومى 1-2 كۇندە ءوتىپ كەتۋى مۇمكىن نەمەسە ۇزاق كەتپەيتىن كەزى دە بولادى. ءۇي جاعدايىندا جوتەلدى ەمدەۋگە بولا ما؟ وزىڭىزگە زيان كەلتىرمەۋ ءۇشىن قانداي ەرەجەلەردى ساقتاۋ كەرەك؟
ەڭ الدىمەن، مۇنىڭ جەكە اۋرۋ ەمەس، تەك سيمپتوم ەكەنىن اتاپ وتكەن ءجون، سوندىقتان دارىگەرگە بارۋ قاجەت. اسىرەسە، ادامنىڭ قانداي دا ءبىر سوزىلمالى اۋرۋلارى بولسا، اسقىنىپ كەتۋى مۇمكىن.
دەگەنمەن، ءسىز ءداستۇرلى مەديسيناعا سەنسەڭىز، ونىڭ حالىق ەمىن ءدارىحانا قۇرالدارىمەن سالىستىرۋدىڭ، سونداي-اق دارىگەر تاعايىنداعانداردان باس تارتۋدىڭ قاجەتى جوق. حالىق ەمى قوسىمشا پايداسىن تيگىزەدى، ءبىراق كەيدە ەمدەۋ تۇرعىسىنان باياۋ ارەكەت ەتەدى. كەيبىر قولدان جاسالاتىن ەمگە بىرنەشە كۇن بويى دايىندالۋ كەرەك، ال اۋىرىپ تۇرعان ورگانيزمگە ءاربىر مينۋت ماڭىزدى. سونداي-اق، ءۇي رەسەپتەرى اۋرۋدىڭ العاشقى بەلگىلەرىندە عانا كومەكتەسەدى، ويتكەنى ولار اسقىنىپ كەتكەن جاعدايلاردى جەڭە المايدى، ءتىپتى، بۇل جاعدايدا ءوزىن-وزى ەمدەۋ ءقاۋىپتى بولۋى مۇمكىن.
سونداي-اق، كەز كەلگەن ءشوپ، گۇل، حالىقتىق ءونىم اللەرگيا تۋدىرۋى مۇمكىن ەكەنىن ەستە ۇستاعان ءجون. ولاردى قابىلداماس بۇرىن، سىزدە اللەرگيا جوق ەكەنىنە كوز جەتكىزۋ كەرەك.
قۇرعاق جوتەلگە قارسى حالىق ەمى
بۇل جاعدايدا نەگىزگى مىندەت - قاقىرىقتى شىعارۋ. تومەندەگى تىزىمدەلگەن بارلىق وسى وسىمدىكتەر وسىعان كومەكتەسەدى.
جولجەلكەن
1 اس قاسىق قۇرعاق جولجەلكەن جاپىراقتارىن ءبىر ستاقان قايناعان سۋعا ارالاستىرىڭىز. ونى 2 ساعات تىندىرى، ءسۇزىپ الىڭىز. تاماقتانۋدان 20 مينۋت بۇرىن كۇنىنە 4 رەت 1 اس قاسىقتان ءىشىڭىز.
شالعام
بۇل - جوتەلگە قارسى وتە ءتيىمدى اسەر ەتەتىن كوكونىس. شالعامدى ءار ءتۇرلى ونىمدەرمەن بىرگە قولدانۋعا بولادى. مىسالى، ءسابىز شىرىنى مەن بال قوسىلعان شالعام شىرىنى. نەمەسە جاي عانا بالعا ارالستىرىڭىز. ساعات سايىن 1 اس قاسىقتان ءىشىڭىز. ءبىراق ەڭ ءجيى قولدانىلاتىن ءادىس - بۇل بال قوسىلعان شالعام سيروپى (كوكونىستى ويىپ، ىشىندە ويىققا بال قۇيىلادى جانە سيروپتىڭ شىعۋىن كۇتەدى)، مۇنى دا 1 اس قاسىقتان قولدانىڭىز.
وگەيشوپ جاپىراقتارى
بۇل وسىمدىكتى ءدارىحانادا ساتىلاتىن جوتەلگە قارسى پرەپاراتتاردىڭ قۇرامىنا قوسادى. ونى شاي رەتىندە دەمدەپ ىشۋگە نەمەسە تۇنبا جاساۋعا بولادى - قۇرعاق جاپىراقتارعا سۋ قۇيىڭىز، 15 مينۋت قايناتىڭىز. تاماقتانۋدان جارتى ساعات بۇرىن 1 اس قاسىقتان ءىشىپ وتىرىڭىز (كۇنىنە 6 رەتكە دەيىن).
ميا تامىرى
1 اس قاسىق تۋرالعان تامىردى ءبىر ستاقان قايناعان سۋ قۇيىپ، قايناتىڭىز. سودان كەيىن ونى 2-3 ساعات تىندىرىڭىز. كۇنىنە 4-5 رەت اس قاسىقتان قولدانۋعا بولادى.
ءزىمبىر تامىرى
ودان تۇنبا جاساۋعا بولادى (ۇساق ۇككىشتەن وتكىزىپ، قايناعان سۋعا سالىپ، باسقا شوپتەردى دە قوسۋعا بولادى، جارتى ساعاتقا قالدىرىڭىز، سودان كەيىن دامىنە قاراي بال قوسۋعا بولادى). ونى 1 اس قاسىقتان كۇنىنە 3 رەت ءىشىڭىز.