Amanat پارتياسىنىڭ ناۋرىزباي اۋداندىق فيليالىندا ساياسي قۋعىن-سۇرگىن قۇرباندارىن جانە اشارشىلىق قۇرباندارىن ەسكە الۋعا ارنالعان ءىس-شارا ءوتتى.
جيىنعا ناۋرىزباي اۋدانىنان سايلانعان ءماسليحات دەپۋتاتتارى مەن ارداگەرلەر كەڭەسىنىڭ مۇشەلەرى قاتىستى. جينالعان قاۋىم قۋعىن-سۇرگىن مەن اشارشىلىق قۇرباندارىن ءبىر مينۋت ۇنسىزدىكپەن ەسكە الدى.
«تاريحي، ەرەكشە كۇندەردىڭ ءبىرى. اتا-بابامىز كورگەن قيىندىقتى كورمەسەك تە، ەستىپ، ءبىلىپ وستىك. ءبىراق سول رەپرەسسيا قۇرباندارىنىڭ سۇيەگى قايدا قالعانىن بىلمەيمىز. كومۋسىز قالدى. شىن مانىندە، 1917–1953 جىلدار ارالىعىندا 4،5 ميلليون قازاقتان ايىرىلدىق. 1918 جىلعى ساناق بويىنشا، قازاق حالقىنىڭ سانى 6،5 ميلليون بولعان. ازاپتى جىلداردىڭ قاسىرەتى ەشقاشان ۇمىتىلمايدى»، – دەدى ناۋرىزباي اۋداندىق ارداگەرلەر كەڭەسىنىڭ ءتوراعاسى مادەنيەت كاركەنوۆ.