قازاقستان مۇسىلماندارى ءدىني باسقارماسىنىڭ قوعام الدىنداعى نەگىزگى قىزمەتىنىڭ ءبىرى – قايىرىمدىلىق شارالارىن ۇيىمداستىرۋ.
قمدب كومەككە مۇقتاج جانداردى قولداۋ ماقساتىندا بيىل دا قۇربان شالۋدى وفلاين جانە WWW.QURBAN2024.KZ سايتى ارقىلى ونلاين جۇزەگە اسىرىپ وتىر، دەپ حابارلايدى Almaty-akshamy.kz Muftyat.kz-كە سىلتەمە جاساپ.
قۇربان ايتتىڭ العاشقى كۇنى، ياعني، 16 ماۋسىمداعى مالىمەت بويىنشا رەسپۋبليكا كولەمىندە جالپى سانى 20 236 مال شالىنسا، 1 788 تاپسىرىس qurban2024.kz سايتى ارقىلى بەرىلگەن. تارقاتىپ ايتساق، قوي – 17 327، ەشكى – 1 597، ءىرى قارا – 1 307، تۇيە – 5.
بارلىق مالىمەتتى جيناقتاپ ايتقاندا، ەلىمىز بويىنشا 62 561 وتباسىعا، 136 مەكەمەگە قۇرباندىق ەتى تاراتىلدى.
ەسكە سالا كەتەيىك، ونلاين فورماتتا قۇربان شالۋعا qurban2024.kz سايتى ارقىلى تاپسىرىس بەرۋ بۇگىن جانە ەرتەڭگە دەيىن جالعاسادى.