قۇندى جيناق قالپىنا كەلتىرىلدى

ابايدىڭ 1909 جىلى جارىق كورگەن كىتابى رەستاۆراسيالاندى

قۇندى جيناقتى سەمەي قالاسىنىڭ ايماقتىق كوممۋنيكاسيالار قىزمەتىندە وتكەن باسپاسوز-كونفەرەنسياسىندا اباي مۋزەيىنىڭ وكىلدەرى تانىستىردى، دەپ حابارلايدى اlmaty-akshamy.kz

«1909 جىلى حاكىم قايتىس بولعاننان كەيىن ونىڭ العاشقى جيناعى باسىلىپ شىققان ەدى. كىتاپتىڭ جارىق كورۋىنە ونىڭ ۇلى تۇراعۇلدىڭ، نەمەرە ءىنىسى كاكەتايدىڭ جانە «الاش» قوزعالىسىنىڭ جەتەكشىسى ءاليحان بوكەيحاننىڭ ۇلەسى زور بولعان. جيناق نۇر-سۇلتان قالاسىنداعى قولجازبالار جانە سيرەك كەزدەسەتىن كىتاپتاردىڭ ۇلتتىق ورتالىعىندا قايتا قالپىنا كەلتىرىلدى. ورتالىق ماماندارى سەمەيگە كەلگەندە، ءبىزدىڭ مۋزەيدە بىرەگەي جيناقتىڭ بار ەكەنىن ءبىلىپ، ونى رەستاۆراسيالاۋ تۋرالى شەشىم قابىلدادى. وسىعان دەيىن كىتاپتىڭ مۇقاباسى بولماي ءارى ءبىراز بەتتەرى جىرتىلعان ەدى. ءقازىر جاڭارتىلعان جيناق مۋزەيگە ورالدى»، - دەدى مۋزەي ديرەكتورىنىڭ ورىنباسارى مەيرامگۇل قايرامبايەۆا.

ابايدىڭ جۇزگە جۋىق شىعارماسى ەنگەن كىتاپ 120 بەتتەن تۇرادى. «حالىق تۋرالى»، «ماحاببات تۋرالى» سىندى بولىمدەرگە بولىنگەن.