قۇلپىناي تاڭداعاندا نەنى ەسكەرۋ كەرەك؟ ونىڭ پايداسى مەن زيانى قانداي؟ تولىعىراق aqshamnews.kz ماتەريالىندا.
مامانداردىڭ ايتۋىنشا، ساتىپ الماس بۇرىن قۇلپىنايعا مۇقيات قاراۋ قاجەت. جيدەكتىڭ ءتۇرى ونىڭ ساپاسىنا تىكەلەي بايلانىستى. جاقسى قۇلپىناي قۇرعاق بولادى، ال شىرىك داقتارى بولمايدى. پىسكەن جيدەكتىڭ ءتۇسى بىركەلكى ءارى قانىق بولادى، ال جاپىراقتارى جاسىل بولۋعا ءتيىس.
سونداي-اق، قۇلپىنايدىڭ قۇرىلىمىنا دا ءمان بەرۋ كەرەك — جيدەك مايىسقان نەمەسە جارىلعان بولماۋى قاجەت.
قۇلپىنايدىڭ يىسىنە دە ءمان بەرىڭىز. جاقسى پىسكەن جيدەكتەردىڭ حوش ءيىسى انىق بولادى.
ال ەڭ باستى بەلگى — قۇلپىناي مەن جاپىراقتىڭ اراسىندا ءسال كەڭىستىك بولسا، ول ءتاتتى بولادى. قىشقىل قۇلپىنايدىڭ جاپىراقتارى جيدەككە تىعىز جابىسىپ تۇرادى.
قۇلپىنايدىڭ پايداسى مەن زيانى قانداي؟
قۇلپىناي قۇرامىندا س دارۋمەنى كوپ تاعامداردىڭ تىزىمىندە كوش باسىندا تۇر. بار بولعانى بەس قۇلپىناي ادام اعزاسىنا قاجەت س دارۋمەنىنىڭ تاۋلىكتەگى مولشەرىن تولىق قامتيدى.
بۇل دارۋمەن اعزانىڭ جۇمىس ىستەۋىنە اسا ماڭىزدى. اتاپ ايتقاندا، ول كوللاگەننىڭ سينتەزىنە قاتىسادى. سوندىقتان قۇلپىناي تەرىنى جۇمساق كۇيدە ساقتاۋعا كومەكتەسەدى.
سونىمەن قاتار، قۇلپىناي تەرىنىڭ جارقىراۋىنا ىقپال ەتەتىن انتيوكسيدانتتارعا باي.
قۇرامىنىڭ ارقاسىندا قۇلپىناي - جۇرەك-قانتامىر جۇيەسىنىڭ ساۋلىعىن ويلايتىن ادامدار ءۇشىن دە تاپتىرماس ءونىم. ول كالييگە باي، ال بۇل ەلەمەنت قان قىسىمىن رەتتەۋدە ماڭىزدى ءرول اتقارادى.
ارتىق سالماقتان ارىلعىسى كەلەتىندەر ءۇشىن دە قۇلپىناي وتە پايدالى. 150 گرامم ءتاتتى جيدەكتە نەبارى 50 كالوريا مەن 3 گرامم جاسۇنىق بار. سوندىقتان قۇلپىناي - ءبالىش پەن شوكولادقا بالاما ىزدەپ، ارىقتاعىسى كەلەتىندەر ءۇشىن ءمىنسىز تاڭداۋ.
ءبىراق قۇلپىنايدىڭ كەمشىلىكتەرى دە بار
جيدەكتى تىم كوپ مولشەردە جەۋ جۇرەك اينۋ مەن ءىشتىڭ كەبۋىنە سەبەپ بولۋى مۇمكىن. دارىگەرلەر قۇلپىنايدى اش قارىنعا جەۋدى ۇسىنبايدى. بۇدان باسقا، قۇلپىناي ءتىس ەمالىن بۇلدىرەدى.