بۇل حابارلاما مەرزىم اياقتالاردان 30 كۇن بۇرىن جىبەرىلەدى.
قازاقستاندىقتار ءوز قۇجاتتارىنىڭ قولدانىلۋ مەرزىمىنىڭ اياقتالعانى تۋرالى SMS-حابارلاما الاتىن بولادى، دەپ حابارلايدى Almaty-akshamy.kz رolisia.kz سايتىنا سىلتەمە جاساپ.
ىشكى ىستەر مينيسترلىگى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىمەن بىرلەسىپ، وسى جىلدىڭ 1 ساۋىرىنەن باستاپ جەكە كۋالىكتىڭ نەمەسە جۇرگىزۋشى كۋالىگىنىڭ قولدانىلۋ مەرزىمىنىڭ اياقتالۋى تۋرالى ازاماتتاردى ۇيالى تەلەفون نومىرىنە SMS-حابارلاما ارقىلى الدىن الا حاباردار ەتۋ تەتىگى ىسكە اسىرىلدى.
بۇگىنگى كۇنى جارامسىز جەكە كۋالىك بويىنشا 10 كۇننەن 1 ايعا دەيىن تۇرعانى ءۇشىن ەسكەرتۋ تۇرىندە اكىمشىلىك جاۋاپكەرشىلىك، 1 ايدان استام ۋاقىتقا 7 ايلىق ەسەپتىك كورسەتكىش نەمەسە 21 441 تەڭگە مولشەرىندە ايىپپۇل قاراستىرىلعان (قازاقستان رەسپۋبليكاسى اكىمشىلىك قۇقىقبۇزۋشىلىق تۋرالى كودەكسىنىڭ 492-بابى).
قولدانىلۋ مەرزىمىنىڭ اياقتالۋىنا بايلانىستى اي سايىن جەكە كۋالىكتەردى اۋىستىرۋ ءۇشىن 77 مىڭعا دەيىن ازامات، وسى سەبەپپەن جۇرگىزۋشى كۋالىكتەرىن اۋىستىرۋ ءۇشىن 35 مىڭعا جۋىق ازامات جۇگىنەدى. وتكەن جىلدىڭ وزىندە جۇرگىزۋشى كۋالىكتەرىنىڭ مەرزىمى اياقتالعانىنا بايلانىستى كۋالىكتەردى اۋىستىرۋ ءۇشىن 915 مىڭ ادام جانە 400 مىڭنان استام ازامات جۇگىنگەن.
«ەندى موبيلدىك ازاماتتار بازاسىندا (بمگ) تىركەلگەن قازاقستاندىقتار قۇجاتتىڭ قولدانىلۋ مەرزىمى اياقتالعانعا دەيىن 30 كۇن بۇرىن وزدەرىنىڭ ۇيالى تەلەفونىنا مىناداي مازمۇنداعى SMS-حابارلاما الاتىن بولادى: «Sizdin jeke kualiginizdin jaramdylyq merzimi 30 kunnen keıin aıaqtalady، HQKO-ga habarlasynyz/Srok Vashego udostovereniya istekaet cherez 30 dnei،obratites v CON»، - دەلىنگەن حابارلامادا.
سوندىقتان مەملەكەتتىك قىزمەتتەردى الۋ كەزىندە قانداي دا ءبىر SMS-حابارلامالاردى الۋ ءۇشىن ازامات «ەلەكتروندىق ۇكىمەت» پورتالىنداعى «جەكە كابينەتىندە» (eGov.kz) ۇيالى تەلەفون ءنومىرىن مىندەتتى تۇردە كورسەتۋى كەرەك.