قازاقستاندىق ارالاس جەكپە-جەك شەبەرى قۋات حاميتوۆ (23-7-2) اتىراۋدا ءوتىپ جاتقان Mergen Fighting Championship 3 تۋرنيرىندە حەدلاينەر بولدى، دەپ حابارلايدى Almaty-akshamy.kz Inform.kz-كە سىلتەمە جاساپ.
قۋات حاميتوۆ رەسەيلىك ۆاسيليي بابينسيەۆپەن (6-6) ارالاس جەكپە-جەككە شىقتى.
رەسەي فايتەرى وسى ۋاقىتقا دەيىنگى بۇكىل ايقاستارىن نوكاۋتپەن اياقتاعان بولاتىن.
ارالىق سالماقتاعى كەزدەسۋ ءۇش راۋندقا شاقتالعانىمەن ءبىرىنشى راۋندتا-اق قۋات حاميتوۆتىڭ تۇنشىقتىرۋ ءتاسىلىنىڭ ارقاسىندا ونىڭ جەڭىسىمەن اياقتالدى.
وسىلايشا قۋات حاميتوۆ كاسىبي سپورت جولىنداعى جيىرما ءتورتىنشى جەڭىسىنە قول جەتكىزدى، ال ۆاسيليي بابينسيەۆ جەتىنشى مارتە ۇتىلدى.
ەسكە سالا كەتەيىك، مۇنىڭ الدىندا قازاقستاندىق سپورتشى Mergen Fighting Championship 3 تۋرنيرىندە ۋكراينالىق زاكا فاتۋللازادەمەن (19-12) جۇدىرىقتاسادى دەلىنگەن ەدى. ءبىراق ول قازاقستانعا جولعا شىعار الدىندا ۆيزادان پروبلەما تۋىنداپ، جارىسقا كەلە المادى.