قازاقستان تەمىر جولى (قتج) ديرەكسياسىنىڭ اۆتوماتتاندىرۋ جانە سيفرلاندىرۋ ءبولىمىنىڭ ەكس-باسشىسى سالمەن امرين ءتورت جىل سەگىز ايعا باس بوستاندىعىنان ايىرىلىپ، مۇلكى تاركىلەنگەنى جايىندا «وردا» اقپارات اگەنتتىگى جازدى، دەپ حابارلايدى aqshamnews.kz.
سونداي-اق، امرينگە ءومىر بويى باسشىلىق قىزمەتتى اتقارۋعا تىيىم سالىندى.
قتج-نىڭ جۇرگىزگەن تەكسەرۋ بارىسىندا ۇلتتىق كومپانيانىڭ فيليالىندا «ءولى جانداردى» جۇمىسقا ورنالاستىرۋ فاكتىلەرى انىقتالعان. انىقتالعان جايعا قاتىستى ماتەريالدار قۇقىق قورعاۋ ورگاندارىنا تاپسىرىلعان.
تەرگەۋ بارىسىندا 21 ميلليون تەڭگە كولەمىندە شىعىن كەلگەنى دالەلدەندى. تەكسەرۋ ناتيجەسىندە، فورمالدى تۇردە جۇمىسقا ورنالاستىرىلعان ادامدار فيليال باسشىسىنىڭ تاپسىرماسىمەن جەكە تۇرعىن ءۇي قۇرىلىسىن جۇرگىزۋگە قاتىسقاندىعى انىقتالدى.