«جولاۋشىلار تاسىمالى» اق وڭتۇستىك باعىتتا قوسىمشا پويىزداردى ىسكە قوسادى.
پويىزدار №204/203 «استانا-شىمكەنت» جانە №202/201 «استانا-الماتى» باعىتتارى بويىنشا كۇندەلىكتى 17 ماۋسىمنان 31 تامىزعا دەيىن جۇرەدى، دەپ حابارلايدى Almaty-akshamy.kz
قوسىمشا پويىزدارعا بيلەتتەر bilet.railways.kz سايتىندا جانە «جولاۋشىلار تاسىمالى» اق تەمىرجول ۆوكزالدارىنىڭ كاسسالارىندا قولجەتىمدى.
ۇلتتىق تاسىمالداۋشى جولاۋشىلاردان ساپارلارىن الدىن الا جوسپارلاپ، بيلەتتەردى ەرتەرەك ساتىپ الۋدى سۇرايدى،
بيلەتتەر بولماعان جاعدايدا جولاۋشىلار بيلەتتەردى ساتۋ سايتىندا نەمەسە «جولاۋشىلار تاسىمالى» اق كاسسالارىندا «كۇتۋ پاراعى» تەگىن قىزمەتىن پايدالانا الادى.
قوسىمشا اقپاراتتى 1433 تەگىن نومىرىنەن نەمەسە «جولاۋشىلار تاسىمالى» اق رەسمي ينستاگرام اككاۋنتىنان @jolaushylar_tasymaly بىلۋگە بولادى.
قوسىمشا پويىزداردى ىسكە قوسۋ جازعى كەزەڭدە جولاۋشىلار سانىنىڭ ارتۋىنا بايلانىستى سۇرانىستى قاناعاتتاندىرۋعا مۇمكىندىك بەرەدى.