قازىرگى ۋاقىتتا باتىس قازاقستان وبلىسىندا سۋ باسقان 53 تۇرعىن ءۇيى مەن اقتوبە وبلىسىندا 57 ساياجاي ءۇيى باقىلاۋدا تۇر.
2021-2023 جىلدارعا ارنالعان سۋ تاسقىنىنا قارسى ءىس-شارالاردىڭ جول كارتاسى شەڭبەرىندە 2021 جىلى ىسكە اسىرۋ جوسپارلانعان 68 ءىس-شارانىڭ 33ء-ى ورىندالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ق ر توتەنشە جاعدايلار مينيسترلىگىنىڭ باسپا ءسوز قىزمەتىنىڭ مالىمەتتەرىنە قاراعاندا، اياقتالۋ مەرزىمى 2022-2023 جىلدارعا جوسپارلانعان 4 ءىس-شارا مەرزىمىنەن بۇرىن ورىندالدى. اتاپ ايتقاندا، 9،4 شاقىرىم وزەن ارنالارى قايتا قۇرىلىپ، 22،2 شاقىرىمى تازارتىلدى. 8،2 شاقىرىم قورعانىس بوگەتتەرى سالىنىپ، بوگەتتەردىڭ 8،1 شاقىرىمنا اعىمداعى جوندەۋ جۇمىستارى جۇرگىزىلدى. ەكى گيدروتەحنيكالىق قۇرىلىس سالىندى. 4 جەرگىلىكتى قۇلاقتاندىرۋ جۇيەسى ورناتىلدى. اۆتوموبيل جولىنىڭ استىنداعى سۋ وتكىزۋ قۇبىرى اۋىستىرىلدى.
وتكەن تاۋلىكتە وڭىرلەر اۋماعىندا جەرگىلىكتى اتقارۋشى ورگاندار مەن تجم كۇشتەرى اقمولا، اقتوبە، باتىس قازاقستان، شىعىس قازاقستان، پاۆلودار، تۇركىستان وبلىستارىندا جانە نۇر-سۇلتان قالاسىندا 144 379 تەكشە مەتر ەرىگەن قار سۋىن سورۋ جۇمىستارىن جۇرگىزدى. سونداي-اق اقمولا، باتىس قازاقستان، شىعىس قازاقستان، پاۆلودار، اقتوبە وبلىستارىندا ينەرتتى ماتەريالدارى بار 7 961 قاپ توسەلدى. باتىس قازاقستان وبلىسىندا 250 شارشى مەتر القاپتا وزەندەردەگى مۇزدى كەسۋ جۇمىستارى جۇرگىزىلدى. باتىس قازاقستان وبلىسىندا اپاتتان قۇتقارۋ جۇمىستارىنا ماڭعىستاۋ جانە اتىراۋ وبلىستارىنىڭ تجد كۇشتەرى مەن قۇرالدارى جەكە قۇرامنان 92 ادام، 13 بىرلىك تەحنيكا، 2 ءجۇزۋ قۇرالى جانە 6 موتوپومپا جۇمىلدىرىلدى.
قازىرگى ۋاقىتتا باتىس قازاقستان وبلىسىندا سۋ باسقان 53 تۇرعىن ءۇي مەن اقتوبە وبلىسىندا 57 ساياجاي ءۇيى باقىلاۋدا تۇر. وتكەن تاۋلىكتە باتىس قازاقستان جانە اقتوبە وبلىستارىندا 773 ادام ەۆاكۋاسيالاندى. ولار ۋاقىتشا ەۆاكۋاسيالاۋ پۋنكتتەرى مەن تۋىستارىنىڭ ۇيلەرىنە ورنالاستىرىلدى. قايتىس بولعان جانە زارداپ شەككەن ادامدار تۋرالى اقپارات تىركەلگەن جوق. «تجم «قازاۆياقۇتقارۋ» اق تىكۇشاعىمەن جاقسىباي اۋىلىنان ورال قالاسىنا 2 جۇكتى ايەل جەتكىزىلدى. وتكەن تاۋلىكتە باتىس قازاقستان وبلىسىندا 99 تۇرعىن ءۇيدى، اقتوبە وبلىسىندا 57 ساياجاي ءۇيىن جانە 21 اۋلا اۋماعىن سۋ باستى»، - دەلىنگەن حابارلامادا.
اقتوبە وبلىسىنىڭ رەسپۋبليكالىق ماڭىزى بار جولدارىنىڭ 2 ۋچاسكەسىندە، سونداي-اق اقتوبە، قاراعاندى، باتىس قازاقستان جانە اقمولا وبلىستارىنىڭ وبلىستىق جانە جەرگىلىكتى ماڭىزى بار 14 ۋچاسكەسىندە سۋ تاسۋدا. وسى جۇمىستارعا تجم، ءىىم، ۇقك شق، جاو 2 229 ادام، 489 بىرلىك تەحنيكا، 238 سۋ ايداۋ قۇرالى جانە 27 ءجۇزۋ قۇرالى جۇمىلدىرىلدى. ونىڭ ىشىندە تجم جەكە قۇرامىنان 974 ادام، 117 بىرلىك تەحنيكا، 145 سۋ ايداۋ قۇرالى، 21 ءجۇزۋ قۇرالى بار.
