الماتى وبلىسىنان اقتاۋ گارنيزونىنىڭ اسكەري ءبولىمىن جاساقتاۋعا اسكەري اۆتوموبيل تەحنيكاسى جىبەرىلدى
الەۋمەتتىك جەلىلەردە قازاقستاندىق اسكەري قىزمەتشىلەر ۋكرايناعا جىبەرىلەتىنى تۋرالى اقپارات تارادى. ق ر قورعانىس مينيسترلىگى بۇل اقپاراتتىڭ شىندىققا جاناسپايتىنىن مالىمدەدى، دەپ حابارلايدى Almaty-akshamy.kz.
بۇل رەتتە Stopfake.kz قازاقستان رەسپۋبليكاسى قورعانىس مينيسترلىگىنىڭ رەسمي تۇسىندىرمەسىن جاريالادى.
«بەيبىتشىلىك پەن قاۋىپسىزدىكتى قولداۋ جونىندەگى حالىقارالىق مىندەتتەمەلەردى ورىنداۋ ءۇشىن قازاقستان رەسپۋبليكاسى قارۋلى كۇشتەرىنىڭ اسكەري كونتينگەنتىن جىبەرۋ تۋرالى شەشىمدى ەل پرەزيدەنتىنىڭ ءتيىستى ۇسىنىسى نەگىزىندە پارلامەنت قابىلدايدى. قازاقستان اسكەري قىزمەتشىلەرىن ۋكرايناعا نەمەسە ودان باسقا ەلگە جىبەرۋ تۋرالى سۇراۋ تۇسكەن جوق جانە ءتيىستى تۇردە قارالىپ تا جاتقان جوق. جەكە قۇرامدى اۋىستىرۋعا، وقىتۋعا، جاتتىقتىرۋعا قاتىستى قازاقستان قارۋلى كۇشتەرىنىڭ جاۋىنگەرلىك ازىرلىگى مەن جاۋىنگەرلىك دايارلىعىن ارتتىرۋ شارالارى جوسپارلى تۇردە جۇرگىزىلەدى. سونىمەن قاتار، بيىل 25 اقپان مەن 3 ناۋرىز ارالىعىندا باتىس قازاقستاننان ەلىمىزدىڭ وڭتۇستىك باعىتىندا جوندەۋ جۇمىستارىن جۇرگىزۋ ءۇشىن تەمىر جول كولىگىمەن اسكەري تەحنيكانى جوسپارلى اۋىستىرۋ جۇزەگە اسىرىلىپ جاتقانىن حابارلايمىز. ودان وزگە، اتالعان كەزەڭدە الماتى وبلىسىنان اقتاۋ گارنيزونىنىڭ اسكەري ءبولىمىن جاساقتاۋعا اسكەري اۆتوموبيل تەحنيكاسى جىبەرىلدى»، – دەپ حابارلادى ۆەدومستۆودان.