ق ر پرەزيدەنتىنىڭ ءىس باسقارۋشىسى تاعايىندالدى

ول بىلتىردان بەرى قازاقستان رەسپۋبليكاسى پرەزيدەنتى  ءىس باسقارۋشىسىنىڭ ورىنباسارى لاۋزىمىندا بولعان.

اسات نۇرپەيىسوۆ قازاقستان رەسپۋبليكاسى پرەزيدەنتىنىڭ ءىس باسقارۋشىسى بولدى، دەپ حابارلايدى Almaty-akshamy.kz

"اسات بولات ۇلى نۇرپەيىسوۆ قازاقستان رەسپۋبليكاسى پرەزيدەنتىنىڭ ءىس باسقارۋشىسى بولىپ تاعايىندالسىن، ول بۇرىنعى اتقارعان لاۋازىمىنان بوساتىلسىن"، - دەلىنگەن اقوردا حابارلاماسىندا.

نۇرپەيىسوۆ اسات بولات ۇلى 1987 جىلى 18 شىلدەدە دۇنيەگە كەلگەن. 2010 جىلى پراگاداعى نيۋ-يورك ۋنيۆەرسيتەتىن "ەكونوميكا جانە مەنەدجمەنت" ماماندىعى بويىنشا، 2012 جىلى ەۋروپالىق بيزنەس مەكتەبىن بىتىرگەن، MSc Global Banking and Finance "حالىقارالىق بانك ءىسى جانە قارجى" ماگيسترى. پرەزيدەنتتىك جاستار كادرلىق رەزەرۆىنىڭ مۇشەسى.

ەڭبەك ءوتىلى:

2012-2015 جىلدارى KPMG Tax and Advisory مەنەدجمەنت كونسالتينگىندە جۇمىس ىستەگەن.

2015-2016 جىلدارى – مەملەكەتتىك باسقارۋ جۇيەسىن دامىتۋ دەپارتامەنتىنىڭ باسقارما باسشىسى، قازاقستان رەسپۋبليكاسى ۇلتتىق ەكونوميكا ءمينيسترىنىڭ كەڭەسشىسى.

2016-2017 جىلدارى – "بايتەرەك" ۇبح" اق كورپوراتيۆتىك قارجى دەپارتامەنتىنىڭ ديرەكتورى.

2018-2019 جىلدارى – قازاقستان رەسپۋبليكاسى پرەمەر-مينيسترى كەڭسەسى جوبالىق باسقارۋ ورتالىعىنىڭ باس ينسپەكتورى، مەڭگەرۋشىنىڭ ورىنباسارى، مەڭگەرۋشىنىڭ مىندەتىن اتقارۋشى.

2019-2022 جىلدارى – قازاقستان رەسپۋبليكاسى ۇلتتىق بانكى ءتوراعاسى اپپاراتىنىڭ باسشىسى.

2022 جىلعى 16 اقپاننان باستاپ الماتى قالاسى اكىمى اپپاراتىنىڭ باسشىسى قىزمەتىن اتقاردى.

2023 جىلعى 5 قاڭتاردا قازاقستان رەسپۋبليكاسى پرەزيدەنتى  ءىس باسقارۋشىسىنىڭ ورىنباسارى لاۋزىمىنا تاعايىندالدى.