مەملەكەتتىك كۇزەت قىزمەتىنىڭ پرەزيدەنتتىك وركەسترى تۇركيانىڭ بۋرسا قالاسىندا ءوتىپ جاتقان ءىى حالىقارالىق اسكەري وركەسترلەر فەستيۆالىندە ونەر كورسەتتى.
تۇركسوي حالىقارالىق ۇيىمى وتكىزگەن شاراعا تۇركىتىلدەس 5 ەلدىڭ ونەرپازدارى قاتىسىپ جاتىر. ولار شاھارداعى تاريحي جەرلەرمەن ءجۇرىپ ءوتىپ، قالا حالقىنا ونەر كورسەتتى. ال كەشكىلىك گالا-كونسەرتتە ۇلتتىق جانە پاتريوتتىق اۋەندەر ورىندالدى، دەپ حابارلايدى Almaty-akshamy.kz.
قازاقستان پرەزيدەنتتىك وركەسترىنىڭ ءتۇرلى جانرداعى ونەرىمەن قاتار جاۋىنگەرلىك ساپ تۇزەۋى دە كورەرمەندى ءتانتى ەتتى. وسمان يمپەرياسىنىڭ تۇڭعىش استاناسى بۋرسا بيىل تۇركىتىلدەس ەلدەردىڭ مادەني استاناسى بولىپ جاريالانعان ەدى.
«جەرگىلىكتى حالىق ءبىزدى ىستىق ىقىلاسپەن قارسى الدى. بىزبەن وزگە ەلدەردىڭ كاسىبي ونەرپازدارى دا قويىلىمىن كورسەتتى. پرەزيدەنتتىك وركەسترىمىز بۇعان دەيىن «سپاسكايا باشنيا»، «برەمەن تاتۋ»، «بەرلين تاتۋم» اتتى الەمدىك دەڭگەيدەگى شارالارعا قاتىسقان بولاتىن. دەگەنمەن تۇركياعا العاش رەت كەلىپ تۇرمىز»، - دەيدى ق ر مەملەكەتتىك كۇزەت قىزمەتى پرەزيدەنتتىك وركەسترىنىڭ ديريجەرى قۇرمەت بەيسەمبايەۆ.
«قازاقستاندىق وركەستردىڭ قويىلىمى بارىسىندا كونە تۇركىلەردىڭ اسكەري رۋحىن سەزىندىك. ءوزىمدى ءبىر اتتىڭ ۇستىندە جاۋعا شاپقانداي ەلەستەتتىم. اسەرىمدى سوزبەن ايتىپ جەتكىزە المايمىن»، - دەيدى كورەرمەن سامەت تاحميسوعلى.