بۇگىن ەلوردادا ق ر پرەمەر-مينيسترى ءاليحان سمايىلوۆ كەڭەس وداعىنىڭ باتىرى ءاليا مولداعۇلوۆاعا ورناتىلعان ەسكەرتكىشكە گۇل شوقتارىن قويدى، دەپ حابارلايدى Almaty-akshamy.kz Inform.kz-كە سىلتەمە جاساپ.
ءا.سمايلوۆ سونداي-اق ەكىنشى دۇنيەجۇزىلىك سوعىستا قازا تاپقان جاۋىنگەرلەردى ءبىر مينۋت ۇنسىزدىكپەن ەسكە الدى.
«كەلەر ۇرپاقتىڭ كورەر جاقسىلىعى مەن تارتار ازابى بۇگىنگى ءبىز قابىلدايتىن شەشىمدەرگە، دارىپتەيتىن قۇندىلىقتارعا بايلانىستى بولماق. سوندىقتان 9 مامىر – ۇلى وتان سوعىسىنىڭ ادامزاتقا اكەلگەن زاردابىن ەسكە الىپ، بوزداقتارىمىزدىڭ مايداندا توگىلگەن قانى مەن اتا-اجەلەرىمىزدىڭ تىلدا توگىلگەن ماڭداي تەرىنىڭ الدىندا باس يەتىن ءقادىرلى كۇن! تاۋەلسىزدىگىمىز باياندى، ەلىمىز تىنىش بولسىن! ەڭ باستى جەڭىس – سول!»، - دەدى ۇكىمەت باسشىسى قازاقستاندىقتارعا ارناعان قۇتتىقتاۋىندا.