ق ر پرەمەر-مينيسترى ءاليحان سمايىلوۆتىڭ توراعالىعىمەن وتكەن ۇكىمەت وتىرىسىندا ەلدەگى سانيتارلىق-ەپيدەميولوگيالىق جاعداي قارالدى
دەنساۋلىق ساقتاۋ ءمينيسترى اجار عينيات ەلدەگى سانيتارلىق-ەپيدەميولوگيالىق احۋالدىڭ ناشارلاعانى تۋرالى باياندادى، دەپ حابارلايدى Almaty-akshamy.kz رrimeminister.kz-كە سىلتەمە جاساپ
«قىزىل ايماققا» وتكەن نۇر-سۇلتان، الماتى، شىمكەنت قالالارىندا جانە اتىراۋ وبلىسىندا كوروناۆيرۋس ينفەكسياسىمەن سىرقاتتانۋدىڭ كۇرت وسكەنى بايقالادى. اقتوبە، باتىس قازاقستان، قاراعاندى، قىزىلوردا، پاۆلودار جانە ماڭعىستاۋ وبلىستارى «سارى ايماقتا» ورنالاسقان. بۇگىنگى تاڭدا 9،4 ملن استام ادام ۆاكسينانىڭ ءبىرىنشى كومپونەنتىن، 8،7 ملن-نان استام ادام ەكىنشى كومپونەنتىن الدى. 670 مىڭعا جۋىق ادام ريەۆاكسينالاۋدان ءوتتى.
«ءبىزدىڭ نەگىزگى مىندەتىمىز – ەپيدەميولوگيالىق احۋالدى باقىلاۋدا ۇستاۋ. حالىقتىڭ سانيتاريالىق-ەپيدەميولوگيالىق تالاپتاردى ساقتاۋى بويىنشا شارالاردى كۇشەيتۋ قاجەت»، - دەدى ءا. سمايىلوۆ.
ۇكىمەت باسشىسى دەنساۋلىق ساقتاۋ مينيسترلىگىنە، اكىمدىكتەرگە پتر-تەستىلەۋ سانىن ۇلعايتۋدى، جەدەل مونيتورينگ جۇرگىزىپ، مەديسينا قىزمەتكەرلەرى مەن اۋرۋحانالاردا رەزەرۆتىك ورىنداردىڭ دايارلىعىن قامتاماسىز ەتۋدى، سونداي-اق دارى-دارمەك پەن مەديسينالىق بۇيىمداردىڭ جەتكىلىكتى بولۋىن قاداعالاۋدى تاپسىردى. پرەمەر-مينيستر ۇيدە مەديسينالىق كومەك كورسەتۋ ءۇشىن ءموبيلدى بريگادالاردىڭ جۇمىسىن جانداندىرىپ، ولاردى تەگىن دارى-دارمەكپەن قامتاماسىز ەتۋ قاجەت ەكەنىن، سونىمەن قاتار ءدارىحانالاردا دارى-دارمەكتىڭ تاپشىلىعىنا جول بەرمەۋ شارالارىن قابىلداۋ قاجەتتىگىن اتاپ ءوتتى. ءا. سمايىلوۆ دەنساۋلىق ساقتاۋ مينيسترلىگى مەن اكىمدىكتەرگە حالىقتى ريەۆاكسينالاۋ قارقىنىن ەداۋىر ارتتىرۋدى تاپسىردى. وڭىرلەردىڭ اكىمدەرى بۇل ماسەلەنى جەكە باقىلاۋىنا الۋى ءتيىس. ۇكىمەت باسشىسى ەلىمىزدىڭ بارلىق مەديسينا قىزمەتكەرلەرىنە ريزاشىلىعىن ءبىلدىردى.
«ەل ءۇشىن سىن ساعاتتا ولار زارداپ شەككەندەر مەن جارالانعاندارعا تاۋلىك بويى كومەك كورسەتىپ جاتىر. دارىگەرلەر اۋرۋحانالار مەن "جەدەل جاردەم" كولىكتەرىن باسىپ العان لاڭكەستەردىڭ اگرەسسياسىن باستان كەشىردى. قۇرمەتتى مەديسينا قىزمەتكەرلەرى، سىزدەرگە ەڭبەكتەرىڭىز بەن باتىلدىق تانىتقاندارىڭىز ءۇشىن، كەز كەلگەن جاعدايدا حالىققا كومەك كورسەتۋگە ازىرلىكتەرىڭىز ءۇشىن العىس ايتامىز!» - دەپ تۇيىندەدى ءا. سمايىلوۆ.