«الماتى حالىقارالىق اۋەجايى» اق باسشىلىعىنىڭ باستاماسى بويىنشا مينيستر ەرلان تۇرعىمبايەۆ اكسيونەرلىك قوعام پرەزيدەنتى الپ ەر تۋگنا ەرسويمەن كەزدەستى.
كەزدەسۋ بارىسىندا ا. ەرسوي مينيسترگە جىلى قابىلداۋى ءۇشىن العىسىن ءبىلدىرىپ، كومپانيانىڭ الماتى قالاسى اۋەجايىنىڭ بازاسىندا ورتالىق ازيانىڭ وڭىرلىك كولىكتىك ترانزيتتىك تورابىن قۇرۋ جانە حالىقارالىق ستاندارتتارعا سايكەس كەلەتىن جاڭا جولاۋشىلار تەرمينالىنىڭ قۇرىلىسىنا قاتىستى جوسپارى تۋرالى ايتىپ بەردى، دەپ حابارلايدى Almaty-akshamy.kz Polisia.kz-كە سىلتەمە جاساپ.
سونىمەن قاتار ول قاۋىپسىزدىكتى قامتاماسىز ەتۋ ماسەلەلەرىندە ىشكى ىستەر ورگاندارىمەن ءوزارا ءىس-قيمىل باسىم بولىپ تابىلاتىنىن اتاپ ءوتتى. سونداي-اق تاراپتار اۋەجايدىڭ ىرگەلەس اۋماعىنداعى بەينەباقىلاۋ تيىمدىلىگى ماسەلەلەرىن تالقىلادى.
ءوز كەزەگىندە، ەرلان تۇرعىمبايەۆ ءىىم الماتى حالىقارالىق اۋەجايى باسشىلىعىنىڭ جولاۋشىلار مەن اۋە ۇشۋلارىنىڭ قاۋىپسىزدىگىن قامتاماسىز ەتۋ ءۇشىن وسى ستراتەگيالىق نىساندا قۇقىقتىق ءتارتىپتىڭ ءتيىمدى جۇيەسىن قۇرۋ بويىنشا بىرلەسكەن جۇمىسقا دايىندىعىن قۇپتايتىنىن ءبىلدىردى.