بۇل تۋرالى وڭىرلىك كوممۋنيكاسيالار قىزمەتى الاڭىندا ءىىم الماتى اكادەمياسى باسشىسىنىڭ ورىنباسارى، پوليسيا پولكوۆنيگى ەرجان بيمولدانوۆ حابارلادى.
65 جىلدىق تاريحى بار اكادەميانىڭ ىشكى ىستەر ورگاندارىنىڭ كاسىبي ماماندارىن دايىندايتىنىن اتاپ وتكەن ءجون. كەلەسى وقۋ جىلىندا اكادەمياعا كونكۋرستىق نەگىزدە باكالاۆريات باعدارلامالارى بويىنشا 300 كۋرسانت، 25 ماگيسترانت جانە 10 دوكتورانت قابىلداۋ جوسپارى بار، دەپ حابارلايدى Almaty-akshamy.kz.
وقۋعا تۇسۋگە 16 جاستان 25 جاسقا دەيىنگى، ءبىلىمى ورتادان تومەن ەمەس، فيزيكالىق دايىندىعى بار قازاقستان رەسپۋبليكاسىنىڭ ازاماتتارى ۇمىتكەر بولا الادى.
«وقۋعا تۇسۋگە قاتىستى بارلىق سۇراقتار بويىنشا تۇرعىلىقتى جەرى بويىنشا پوليسيا باسقارمالارىنىڭ اۋداندىق (قالالىق) بولىمدەرىنە نەمەسە تىكەلەي الماتى اكادەمياسىنا حابارلاسۋ قاجەت. ۇمىتكەر مەديسينالىق كوميسسيادان، دەنە شىنىقتىرۋ دايىندىعى بويىنشا سىناقتاردان ءوتۋى، ۇبت ناتيجەسى 50 ۇپايدان كەم بولماۋى ءتيىس»، — دەدى ە.بيمولدانوۆ.
اكادەميادا وقۋ ءۇش تىلدە جۇرگىزىلەدى، وقىتۋ بارىسىنا بەلگىلى عالىمدار، حالىقارالىق ساراپشىلار مەن تاجىريبەلى قىزمەتكەرلەر تارتىلعان.
ق ر ءىىم الماتى اكادەمياسى باسشىسىنىڭ ورىنباسارى ۆەدومستۆولىق جوعارى وقۋ ورنىندا ءبىلىم الۋدىڭ ارتىقشىلىقتارىنا توقتالدى. ماسەلەن، مۇندا ولار جاي عانا وفيسەرلەر ەمەس، اقپاراتتىق-كوممۋنيكاسيالىق تەحنولوگيالار، كريمينالدىق پوليسيا، ۇيىمداسقان قىلمىس، كيبەرقىلمىس، ەسىرتكى بيزنەسى، ەكسترەميزم جانە IT-كريميناليستيكا سالاسىنداعى مامانداردى دايىندايدى. سونىمەن قاتار، اكادەميا ارنايى جاساق وفيسەرلەرىن دايارلاۋدىڭ اۆتورلىق باعدارلاماسىن ازىرلەدى.
سونىمەن قاتار، مامانداندىرىلعان ۋنيۆەرسيتەت بازاسىندا كيبەرزەرتحانا اشىلدى، ول قازىرگى جانە بولاشاق قىزمەتكەرلەردى ينتەرنەت ارقىلى جاسالاتىن قىلمىسپەن كۇرەسۋ بويىنشا جۇمىس داعدىلارىنا ۇيرەتۋدىڭ ءتيىمدى الاڭىنا اينالدى.
قازاقستان رەسپۋبليكاسى ءىىم الماتى اكادەمياسى تەگىن ءبىلىم الىپ، جايلى جاتاقحانادا تۇرۋدى قامتاماسىز ەتەدى. سونداي-اق ارتىقشىلىقتار قاتارىندا تەگىن تاماق، فورمالىق كيىم، مەديسينالىق قىزمەت كورسەتۋ، تۇرعىلىقتى جەرىنە بارۋ جانە كەرى قايتارۋ (پويىزبەن) كىرەدى. كۋرسانتتار شاكىرتاقى الادى. وقۋ مەرزىمى مەرزىمدى اسكەري قىزمەت وتكەرۋمەن تەڭ. اكادەميا تولىق وقۋ كۋرسىن اياقتاعان تۇلەكتەردى جۇمىسقا ورنالاستىرۋعا كەپىلدىك بەرەدى.
وقۋدى اياقتاعاننان كەيىن بىتىرۋشىلەرگە «ۇلتتىق قاۋىپسىزدىك جانە اسكەري ىستەر باكالاۆرى» جانە «كيبەرقاۋىپسىزدىكتى قامتاماسىز ەتۋ سالاسىنداعى باكالاۆر» بىلىكتىلىكتەرى بار مەملەكەتتىك ۇلگىدەگى ديپلوم بەرىلەدى، سونىمەن قاتار «پوليسيا لەيتەنانتى» ارنايى اتاعى بەرىلەدى.