پيلوتتىق جوبا استانا-تەمىرتاۋ ۋچاسكەسىندە ىسكە اسىرىلادى.
ق ر ييدم كولىكتىك باقىلاۋ قىزمەتتەرىن اۆتوماتتاندىرۋ ماقساتىندا «سەرگەكتى» پايدالانۋ مۇمكىندىگىن قاراستىرىپ جاتىر، دەپ حابارلايدى Almaty-akshamy.kz Zakon.kz-كە سىلتەمە جاساپ.
قازىرگى كەزدە ق ر ييدم جول قوزعالىسى ەرەجەلەرىن بۇزۋشىلىقتاردى اۆتوماتتى فوتو-بەينە تىركەۋ ءۇشىن استانا-تەمىرتاۋ ۋچاسكەسىندە پيلوتتىق جوبانى ىسكە اسىرۋدى كوزدەپ وتىر.
مينيسترلىك وكىلدەرى بۇل جوبا ءىرى كولەمدى جانە اۋىر سالماقتى اۆتوكولىكتەردىڭ قاتىسۋىمەن بولاتىن قۇقىق بۇزۋشىلىقتى، سونداي-اق جولاۋشىلار مەن باگاجدى تۇراقتى نەمەسە تۇراقتى ەمەس تاسىمالداۋ كەزىندەگى قاۋىپسىزدىكتى اۆتوماتتى تۇردە انىقتاپ، كولىكتىك باقىلاۋدى جۇزەگە اسىرۋ كەزىندە ادامي فاكتور مەن سىبايلاس جەمقورلىق تاۋەكەلدەرىن بولدىرماۋ ارقىلى جول توسەمىنىڭ ساقتالۋىن قامتاماسىز ەتۋ بويىنشا الەۋمەتتىك جانە ەكونوميكالىق تيىمدىلىككە قول جەتكىزۋگە سەپتىگىن تيگىزەتىنىن ايتتى.
22 جەلتوقساندا ىشكى ىستەر ءمينيسترىنىڭ ورىنباسارى ساكەن سارسەنوۆ پەن يندۋستريا جانە ينفراقۇرىلىمدىق دامۋ ۆيسە-مينيسترى دينارا ششەگلوۆانىڭ توراعالىعىمەن جۇمىس وتىرىسى وتكىزىلىپ، ونىڭ بارىسىندا ىشكى ىستەر ورگاندارىنىڭ ەلىمىزدىڭ قالالارىنداعى اۆتوجولداردا جول قوزعالىسى ەرەجەلەرىن بۇزۋشىلىقتاردى اۆتوماتتى فوتو-بەينە تىركەۋ بويىنشا جۇمىس تاجىريبەسى تالقىلاندى.
ستاتيستيكاعا سايكەس، كەيىنگى 4 جىلدا ەلىمىزدە 55 مىڭعا جۋىق جول-كولىك وقيعاسى تىركەلىپ، ونىڭ سالدارىنان 60 مىڭنان استام ادام زارداپ شەگىپ، 8 مىڭنان استام ادام قازا تاپقان.
بۇل رەتتە «سەرگەك» اپپاراتتىق-باعدارلامالىق جۇيەسى ەنگىزىلگەن ساتتەن باستاپ، ەلىمىزدىڭ جولدارىندا ءولىم-جىتىمنىڭ 50%-دان اسا تومەندەۋى بايقالىپ، قوعامدىق ورىندارداعى قىلمىس ايتارلىقتاي ازايىپتى. سونداي-اق جول قوزعالىسى ەرەجەلەرىن ساقتاماعانى ءۇشىن تولەنەتىن ايىپپۇلداردىڭ ەسەبىنەن بيۋدجەتكە 50 ملرد تەڭگەگە جۋىق قاراجات تۇسكەن.