ق ر گاز جەلىسى ءبىر جىلدا 4 مىڭ شاقىرىمنان استى، اپاتتار سانى 9-دان 19-عا دەيىن ءوستى
124 شاقىرىمنان استام كوشە گاز جەلىسىن جوندەۋ قاجەت.
2020 جىلى قازاقستان رەسپۋبليكاسىندا 1074 ەلدى مەكەن گازداندىرىلدى، بۇل 2019 جىلمەن سالىستىرعاندا 6%-عا ارتىق، دەپ حابارلادى Almaty-akshamy.kz energyprom.kz سايتىنا سىلتەمەلەپ.
گازداندىرىلعان ەلدى مەكەندەردىڭ جارتىسىنان استامى ءۇش وڭىردە ورنالاسقان: باتىس قازاقستان (230)، جامبىل (214) جانە تۇركىستان (148) وبلىستارىندا. تابيعي گاز وتكىزىلگەن ەلدى مەكەندەر رەسپۋبليكانىڭ 17 ءوڭىرىنىڭ 14-ىندە بولدى.
2020 جىلى قر-دا 4،2 مىڭ كم گاز جەلىسى جۇرگىزىلدى، بۇل 2019 جىلمەن سالىستىرعاندا 6،3 ەسە كوپ؛ 2020 جىلى 228،9 كم جەلى ىستەن شىقتى.
جالپى العاندا، كوشەدەگى گاز جەلىسىنىڭ ۇزىندىعى 2020 جىلدىڭ سوڭىندا 32،7 مىڭ كم قۇرادى، بۇل وتكەن جىلمەن سالىستىرعاندا 14،4%-عا ارتىق.
جوندەۋدى قاجەت ەتەتىن كوشەدەگى گاز جەلىسىنىڭ ۇزىندىعى ءبىر جىل ىشىندە 14،1%-عا، 2020 جىلى 124،1 كم-گە دەيىن قىسقاردى. 2020 جىلى 130،4 كم گاز جەلىسى جوندەلدى.
سونىمەن قاتار، 2020 جىلى 19 اپات تىركەلدى. سالىستىرمالى تۇردە ايتار بولساق، 2019 جىلى 9 اپات تىركەلسە، 2018 جىلى 51 اپات ورىن العان.
تابيعي گازدىڭ گاز رەتتەۋ پۋنكتتەرىنىڭ سانى ءبىر جىلدا 11،9%-عا ءوسىپ، 1،5 مىڭدى قۇرادى.
ورناتىلعان ەسەپتەۋ قۇرالدارىنىڭ سانى 2020 جىلى 28 مىڭعا جەتتى، بۇل 2019 جىلمەن سالىستىرعاندا 8%-عا كوپ.
ەڭ تومەنگى تاريفتەر اتىراۋدا (1 تەكشە مەتر ءۇشىن 8،1 تگ)، سونداي-اق اقتاۋ مەن اقتوبەدە (1 تەكشە مەتر گاز ءۇشىن 10 تگ) بەلگىلەندى. تابيعي گاز ءۇشىن ەڭ جوعارى تاريف تۇركىستان مەن شىمكەنتتە بايقالدى: 1 تەكشە مەتر ءۇشىن 31،6 تگ.
