بولەك قۇرىلعان ەڭبەك مينيسترلىگى سالا بويىنشا جاڭا ۇلتتىق ساياساتتى ازىرلەۋى قاجەت
قازاقستاندا ەڭبەك جانە حالىقتى الەۋمەتتىك قورعاۋ مينيسترلىگىن ەكى ۆەدومستۆوعا ءبولۋ يدەياسى ۇسىنىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ەلدىڭ ورنىقتى الەۋمەتتىك-ەكونوميكالىق دامۋى جانە قازاقستاندىقتاردىڭ لايىقتى ءومىر ءسۇرۋ دەڭگەيىن قامتاماسىز ەتۋ ءۇشىن ەڭبەك سالاسىنىڭ ستراتەگيالىق ماڭىزدىلىعىن، سونداي-اق مينيسترلىكتىڭ سالا ماسەلەلەرىن شەشۋدەگى كوپجىلدىق قابىلەتسىزدىگىن ەسكەرە وتىرىپ، مەملەكەتتىك بيۋدجەتتەن جۇمسالاتىن شىعىنداردى ۇلعايتپاي اتالعان ۆەدومستۆونى ەڭبەك مينيسترلىگى جانە الەۋمەتتىك دامۋ مينيسترلىگى دەپ بولگەن ءجون»، - دەدى ق ر پارلامەنتى ءماجىلىسىنىڭ دەپۋتاتى ەرلان سمايىلوۆ دەپۋتاتتىق ساۋال جولداي وتىرىپ.
دەپۋتاتتىڭ مالىمدەۋىنشە، اتالعان مينيسترلىك ەڭبەك قۇقىقتارىن قورعاۋ مەن الەۋمەتتىك قورعاۋ سالاسىنداعى ماسەلەلەردى شەشۋگە كەلگەندە مۇلدەم ەنجار.
«قوعام ەڭبەك جانە حالىقتى الەۋمەتتىك قورعاۋ مينيسترلىگىنىڭ پروبلەمالىق ماسەلەلەردى شەشۋدەگى بەلسەندى ۇستانىمىن كورمەي وتىر. ەل ازاماتتارىنىڭ مۇددەسى ءۇشىن ەڭبەك سالاسى مەن الەۋمەتتىك سالانى تۇراقتى دامىتۋ يدەولوگياسىن الدەقاشان جوعالتقان. اتالعان ۆەدومستۆو قيت ەتسە بيۋدجەتتە جانە زاڭنامادا قاراستىرىلماعان دەپ سىلتەي سالادى. پسيحولوگيادا بۇل ۇيرەنگەن دارمەنسىزدىك سيندرومى دەپ اتالادى»، - دەيدى ول.
سونداي-اق، سپيكەر مينيسترلىكتى مەملەكەتتىك بيۋدجەتتەن قارجى شىعىنداماي ەكىگە ءبولۋ كەرەكتىگىن ايتىپ وتىر.
«بولەك قۇرىلعان ەڭبەك مينيسترلىگى سالا بويىنشا جاڭا ۇلتتىق ساياساتتى ازىرلەۋى قاجەت. جاڭا ساياسات تابىسى تومەن قازاقستاندىقتاردىڭ پروبلەماسىن، جۇمىس بەرۋشىلەر مەن جۇمىسشىلاردىڭ مۇددەلەرىن، ەڭبەك نارىعىنداعى تەڭسىزدىكتى، ادىلەتسىز زەينەتاقى جۇيەسىن، جۇمىسسىزدىقتى، جۇمىس ىستەپ تۇرعان كەدەيشىلىك پروبلەمالارىن شەشۋگە باعىتتالۋى ءتيىس»، - دەدى ە. سمايىلوۆ.