الەكسەي سوي جارىلىستان زارداپ شەككەندەردىڭ جاعدايىن ءوز كوزىمەن كوردى
ق ر دەنساۋلىق ساقتاۋ ءمينيسترى الەكسەي سوي تارازدا بولىپ، جارىلىستان زارداپ شەككەندەردىڭ جاعدايىن كوردى، دەپ حابارلايدى almaty-akshamy.kz.
مينيستر قالالىق اۋرۋحانادا بولىپ، ناۋقاستار جاتقان پالاتالاردى ارالادى. مينيستر مەديسينالىق كومەك كورسەتۋدە ەشقانداي قيىندىقتىڭ بولمايتىنىن، قولدان كەلگەننىڭ بارلىعى جاسالاتىنىن ايتتى. ءقازىر تاراز قالاسىنداعى اۋرۋحانادا توتەنشە جاعداي كەزىندە جارالانعان 37 ادام جاتىر. ونىڭ بەسەۋى – جانساقتاۋ بولىمىندە. ەكى ناۋقاستىڭ جاعدايىن دارىگەرلەر اۋىر دەپ باعالاپ وتىر.
«مەديسينالىق كومەككە 98 ادام جۇگىندى. ونىڭ 28ء-ىن اۋرۋحاناعا جاتقىزدىق. قالعاندارىنا جاراقات بولىمىندە ءتيىستى كومەك كورسەتىلدى. كوبىنىڭ جاعدايى تۇراقتى. ءقازىر اۋرۋحانادا جاتقاندارعا كومەك بارىنشا كورسەتىلىپ جاتىر»، - دەدى الەكسەي سوي.