قاراعاندى وبلىسىندا جىل باسىنان بەرى قوس ازاماتتىققا قاتىستى 400-دەن استام دەرەك تىركەلگەن.
وبلىستىق پوليسيا دەپارتامەنتىنىڭ مالىمەتىنشە، جىل باسىنان باستاپ وڭىردە وزگە ەلدىڭ ازاماتتىعى بولۋ نەمەسە ونى الۋعا بايلانىستى 400-دەن استام قوس ازاماتتىق دەرەگى تىركەلگەن. وسىعان بايلانىستى 15 ازامات اكىمشىلىك جاۋاپكەرشىلىككە تارتىلدى.
قولدانىستا بار زاڭناماعا سايكەس، قازاقستان رەسپۋبليكاسىنىڭ ازاماتتىعى بار ادام، وزگە ەلدىڭ ازاماتتىعىن قابىلداسا، 30 كۇن ىشىندە قازاقستان رەسپۋبليكاسىنىڭ ىشكى ىستەر ورگاندارىنا كەلىپ، قازاقستان رەسپۋبليكاسىنىڭ ءتولقۇجاتىن جانە جەكە باس كۋالىگىن تاپسىرۋى كەرەك. تاپسىرىلماعان جاعدايدا، اكىمشىلىك قۇقىقبۇزۋشىلىق تۋرالى كودەكسىنىڭ 496-بابى 2-تارماعىنا سايكەس ەلدەن شىعارۋ جانە قازاقستان رەسپۋبليكاسى اۋماعىنا كىرۋگە 5 جىلعا دەيىن شەكتەۋ قويۋ، سونىمەن قاتار 738 مىڭ 400 تەڭگە ايىپپۇل قاراستىرىلعان، – دەدى قاراعاندى وبلىستىق پد كوشى-قون قىزمەتى باسقارماسى باستىعىنىڭ مىندەتىن اتقارۋشى مارينا تەن.