باۋىرجان مومىش ۇلى كوشەسى
باۋىرجان مومىش ۇلى كوشەسى العاشىندا كورنەكسىزدەۋ، قىسقا عانا بولعانىمەن، ءقازىر قالامىزدىڭ ۇلكەن كوشەلەرىنىڭ بىرىنە اينالدى.
كوشەگە الماتى قالاسى اتقارۋ كوميتەتىنىڭ 31.01.1985 جىلعى №3153 شەشىمىمەن ورلىكتىڭ سيمۆولى، ۇلتجاندىلىقتىڭ ۇلگىسى، بەلگىلى جازۋشى، پانفيلوۆشىلار ديۆيزياسى پولكىنىڭ قولباسشىسى، اتى اڭىزعا اينالعان حالىق قاھارمانى، كەڭەس وداعىنىڭ باتىرى باۋىرجان مومىش ۇلىنىڭ ەسىمى بەرىلگەن.
باۋىرجان مومىش ۇلى (1910-1982) جامبىل وبلىسى، جۋالى اۋدانىنىڭ كولباستاۋ ەلدى مەكەنىندە دۇنيەگە كەلگەن.
كوشەگە داڭقتى باتىردىڭ اتى بەرىلگەن كەزدى ەسكە العان مومىش ۇلىنىڭ كەلىنى زەينەپ احمەتوۆا بىلاي دەيدى:
«1985 جىلى الماتىنىڭ شەت جاعىنان اتانىڭ اتىنا كوشە بەرىلەتىن بولدى. رەسمي راسىمگە باكەڭ (باتىردىڭ ۇلى باقىتجان مومىش ۇلى)، مەن، تاعى 5-6 ادام كەلدىك. ول كەزدە ساين كوشەسىنەن باستاپ ءارى قاراي تۇگەل كولحوزدىڭ جەرى، قىزاناق، كوكونىس وسەدى. اتانىڭ اتى بەرىلەدى دەگەن كوشەنىڭ ۇزىندىعى 200 مەتر عانا ەكەن، كوڭىلىم قوڭىلتاقسىپ قالدى. «وسى قالانىڭ ورتالىعىندا قازاققا قاتىسى جوق بىرەۋلەردىڭ اتى بەرىلگەن نەبىر كوشەلەر بار. اتاعا سونىڭ بىرەۋىن بەرسە بولماي ما؟ مىناۋ ايدالا عوي» دەدىم باكەڭە. سوندا باكەڭ:
«مومىش ۇلى بىرەۋدىڭ يىعىنان شاپان كيگەن ەمەس. كور دە تۇر، ءالى-اق بۇل كوشە ۇلكەن داڭعىلعا اينالادى»، - دەدى.
راسىمەن دە، باقىتجاننىڭ ايتقانى ءدال كەلدى. ءقازىر مومىش ۇلى - قالاداعى ەڭ ۇلكەن كوشەنىڭ ءبىرى. تەاترى دا، ءبارى دە بار. مىنا جاڭا ىقشاماۋداندا تۇگەل قازاقتار تۇرادى. اتانىڭ «مەن ولگەن سوڭ دا حالقىممەن بىرگەمىن» دەگەنى وسى».
باۋىرجان مومىش ۇلى كوشەسى قالانىڭ الاتاۋ، اۋەزوۆ اۋداندارىنىڭ اۋماعىندا ورنالاسقان. ۇزىندىعى 4500 مەتر كوشە موڭكە بي كوشەسىنەن باستالىپ، تايبۋرىل كوشەسىنە دەيىنگى ارالىقتا سوزىلىپ جاتىر.
كوشە بويىمەن قاتىنايتىن قوعامدىق كولىكتەر:
تروللەيبۋستار: 5، 6، 11.
اۆتوبۋستار: 7، 16، 50، 52، 65، 66، 85، 101، 126، 201، 206.
باۋىرجان مومىش ۇلى كوشەسىنىڭ قيىلىستارى:
موڭكە بي،
ادنان مەندەرەس،
س. بايتەرەكوۆ،
ت. رىسقۇلوۆ،
حان شاتىر،
تالدىارال،
رايىمبەك داڭعىلى،
تولە بي،
ع. ەلەمەسوۆ،
ءا. مارعۇلان،
ا. جۇبانوۆ،
ۇلىقبەك،
جەتى جارعى،
اباي،
امانجول،
م. كارىم،
شالياپين،
امانجول،
تايبۋرىل.
كوشە بويىنداعى كورنەكى ورىندار:
Almaty Arena مۇز ايدىنى.
Alatau Creative Hub.
«الاتاۋ» ءداستۇرلى ونەر تەاترى.
Magnum ساۋدا ورتالىعى.
اقساي-3 بازارى.
«اقساي-نان» نان زاۋىتى.
Mechta.kz تەحنيكا دۇكەنى.
«ارىستان» امبەباپ بازارى.
Kitapal.kz كىتاپ دۇكەنى.
Ozyurt مەيرامحاناسى.
«اقساي» مەشىتى.
«بەرەكە» مەيرامحاناسى.
EM BU SU مونشاسى.
№ 3 ارناۋلى الەۋمەتتىك قىزمەتتەر كورسەتۋ ورتالىعى كمم
«تارىم» مەيرامحاناسى.
Sputnik Mall ويىن ساۋىق ورتالىعى.