امەريكا قۇراما شتاتتارىنىڭ تازا تەحنولوگيالىق ستارتاپى Terragia Biofuel بيووتىن جاساۋ ءۇشىن 6 ميلليون دوللار جينادى.
بۇل وتىن ءتۇرى قورشاعان ورتا مەن پلانەتا ءۇشىن ءقاۋىپسىز بولادى. بۇل جايىندا islam.kz پورتالى ESGtoday اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.
قاراجات بيوماسسانى ەتانولعا جانە باسقا دا ونىمدەرگە وڭدەۋدىڭ كومپانيانىڭ وزىندىك ءادىسىن جاساۋعا باعىتتالعان. 2022 جىلى نەگىزى قالانعان اقش-تىڭ نيۋ-گەمپشير شتاتىندا ورنالاسقان Terragia كومپانياسى سەلليۋلوزادان ەكولوگيالىق تازا وتىن الۋ تەحنولوگياسىن دامىتۋدا. اتالعان كاسىپورىن ميكروورگانيزمدەر ارقىلى بيوماسسانى وڭدەۋدىڭ ارنايى ءادىسىن جاسادى. بۇل ءتاسىل كادىمگى اشىتۋ جانە تەرموحيميالىق وڭدەۋ پروسەسىنە بالاما بولا الادى جانە ءوندىرىس پروسەسىنىڭ قۇنىن ايتارلىقتاي تومەندەتەدى.