10 مەتردەن پنيەۆماتيكالىق ۆينتوۆكادان وق اتۋدان ارالاس كوماندالىق سايىستا يسلام ساتپايەۆ پەن الەكساندرا لە قولا جۇلدەگە يە بولدى.
قىتايدىڭ حانچجوۋ قالاسىندا ءوتىپ جاتقان ءحىح ازيا ويىندارىندا قازاقستان قۇراماسى تاعى ءبىر جۇلدەلى ورىنعا قول جەتكىزدى، دەپ حابارلايدى Almaty-akshamy.kz.
10 مەتردەن پنيەۆماتيكالىق ۆينتوۆكادان وق اتۋدان ارالاس كوماندالىق سايىستا يسلام ساتپايەۆ پەن الەكساندرا لە قولا جۇلدەگە يە بولدى.
مەدال ءۇشىن كۇرەستە قازاقستان قۇراماسىنىڭ سپورتشىلارى يران كومانداسىن 17:11 ەسەبىمەن جەڭدى.
"يسلام مەن الەكساندرانى ازيا ويىندارى جۇلدەسىمەن قۇتتىقتايمىن. ولار يراننان كەلگەن قارسىلاستارىن سەنىمدى تۇردە جەڭىپ، تاعى دا شەبەرلىكتەرىن كورسەتتى. وتاندىق وق اتۋ سپورتى قارقىندى دامىپ كەلەدى جانە مۇنداي جەتىستىكتەر وسىنىڭ جارقىن دالەلى"، – دەدى تۋريزم جانە سپورت ءمينيسترى ەرمەك مارجىقپايەۆ.