قورعاس كەدەن بەكەتىندە قارجىنى زاڭسىز الىپ وتپەك بولعاندار ۇستالدى.
«شىحو-قورعاس» كەدەن بەكەتىندە ۆاليۋتانى زاڭسىز تاسىمالداۋعا توسقاۋىل قويدى دەپ حابارلايدى Almaty-akshamy.kz مەملەكەتتىك كىرىستەر كوميتەتىنە سىلتەمە جاساپ.
ەل شەبىندە، جەل وتىندە جۇرگەن شەكاراشىلار ءوز قىزمەتتەرىنە قىلاۋ تۇسىرگەن ەمەس. ونى كەزەكتى رەت دالەلدەدى. بيىل 1-20 شىلدە ارالىعىندا «شىحو-قورعاس» كەدەن بەكەتىنىڭ قىزمەتكەرلەرى شەكاراشىلارمەن بىرلەسىپ زاڭسىز ارەكەتتى اشكەرەلەدى.
كەدەندە قىزمەتتىك يتتەردى پايدالانا وتىرىپ، جالپى سوماسى 40،2 مىڭ اقش دوللارى، 17،8 ملن تەڭگە جانە 60،0 مىڭ ءيۋاندى دەكلاراسياسىز تاسىمالداعان 5 فاكتى انىقتالدى.
ەسكەرەر جايت، 10 مىڭ دوللاردان استام قارجىسى بار ادام كەدەندىك دەكلاراسيانى تولتىرۋى ءتيىس.
پرەزيدەنتتىڭ 2022 جىلعى 14 ناۋرىزداعى №830 «قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋ جونىندەگى شارالار تۋرالى» جارلىعىنا سايكەس، 10 000 اقش دوللارىنان اساتىن سومادا قولما-قول شەتەل ۆاليۋتاسىن اكەتۋگە تىيىم سالىنعان.