تەرمينال 90 ميلليون تەڭگەگە ساتىلعان.
پروكۋراتۋرا 900 شارشى مەتردەن اساتىن «قورعاس» شەكاراماڭى ىنتىماقتاستىعى حالىقارالىق ورتالىعىنىڭ باگاج تەرمينالىنىڭ 2018 جىلى ساتىلعانىن انىقتادى، دەپ حابارلايدى Almaty-akshamy.kz
سوسىن 2023 جىلى ونىڭ استىنداعى 1،9 گا جەر ۋچاسكەسىن 500 مىڭ تەڭگەگە ۋاقىتشا پايدالانۋعا قوسىمشا ساتۋ-ساتىپ الۋ شارتى جاسالدى. الايدا، تاراپتار مۇلىكتى ساتۋ ەرەجەلەرىن ساقتاماي، بەكىتىلگەن نورماتيۆتەردى ورەسكەل بۇزعان. ونىڭ ۇستىنە جەر تەلىمىن يەلىكتەن شىعارۋ عيمارات ساتىلعان سوڭ 4 جىلدان كەيىن جۇزەگە اسقان.
جەتىسۋ وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ 2024 جىلى 19 ناۋرىزداعى زاڭدى كۇشىنە ەنگەن شەشىمىمەن تالاپتار قاناعاتتاندىرىلدى، شارت جارامسىز دەپ تانىلدى.