وعان الەمنىڭ 15 ەلىنەن 200-دەن استام سپورتشى قاتىستى.
ورتالىق سپورت كلۋبىنىڭ وكىلدەرى مارينا سەدنيەۆا مەن ءجاميلا باقبەرگەنوۆا ايەلدەر اراسىنداعى ەركىن كۇرەستەن حالىقارالىق رەيتينگتىك تۋرنيردە جەڭىسكە جەتتى، دەپ حابارلايدى Almaty-akshamy.kz
جارىس قىرعىزستان استاناسى بىشكەكتە وتكەن بولاتىن. قازاقستان قارۋلى كۇشتەرىنىڭ قىزمەتكەرى مارينا سەدنيەۆا 55 كەلىگە دەيىنگى سالماق دارەجەسىندە ونەر كورسەتىپ، ءۇش جەكپە-جەكتە دە جەڭىسكە جەتتى. ونىڭ ءبىرىنشى قارسىلاسى - وتانداسى زۋلفيا ياحياروۆا، ەكىنشىسى - تۇرىك سپورتشىسى مەلدا دەرنەكچ بولدى. كانادالىق لورەنا كارلا گودينەس گونسالەسپەن بولعان سوڭعى جەكپە-جەكتە مارينا سەدنيەۆا 1-3 ەسەبىمەن جەڭىسكە جەتىپ، التىن مەدال يەلەندى.
تۋرنير ورتالىق سپورت كلۋبىنىڭ اسكەري قىزمەتشىسى الەم چەمپيوناتىنىڭ كۇمىس جۇلدەگەرى ەفرەيتور ءجاميلا باقبەرگەنوۆاعا دا ساتتىلىك اكەلدى. 72 كەلىگە دەيىنگى سالماق دارەجەسىندە ونەر كورسەتكەن ول الدىمەن يتالياندىق دالمۋ كانيەۆتى جەڭدى. ەكىنشى جەكپە-جەكتە ءۇندىستاندىق سپورتشى ريتيكا ريتيكانى 4-0 ەسەبىمەن جەڭىپ، التىن مەدال الدى.
«ءجاميلا مەن مارينا ونەر كورسەتەتىن سالماق دارەجەلەرى وليمپيادا باعدارلاماسىندا جوق. جاقىن ارادا ىرىكتەۋ جارىستارى باستالادى XXXII جازعى وليمپيادا ويىندارى پاريجدە وتەدى. سوندىقتان مارينانىڭ 53 كەلىگە دەيىنگى ساناتقا كوشۋىن جوسپارلاپ وتىرمىز، ءجاميلا 76 كەلىگە دەيىنگى سالماق دارەجەسىندە كۇرەسەتىن بولادى»، – دەدى قورعانىس مينيسترلىگى ورتالىق سپورت كلۋبى ەركىن كۇرەس كومانداسىنىڭ باستىعى كىشى سەرجانت نۇرداۋلەت كوكتەكبايەۆ.
وسىلايشا، ارميا سپورتشىلارى مارينا سەدنيەۆا مەن ءجاميلا باقبەرگەنوۆا قازاقستان قارۋلى كۇشتەرىنىڭ قورجىنىنا ەكى التىن مەدال سالدى.