داۋرەن قوسانوۆ قورعانىس ءمينيسترى بولىپ تاعايىندالدى، - دەپ حابارلايدى aqshamnews.kz.
"مەملەكەت باسشىسىنىڭ جارلىعىمەن داۋرەن جۇماتاي ۇلى قوسانوۆ قازاقستان رەسپۋبليكاسىنىڭ قورعانىس ءمينيسترى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى"، - دەلىنگەن حابارالامادا.
داۋرەن قوسانوۆ تۋرالى نە بەلگىلى؟
داۋرەن قوسانوۆ 1969 جىلى 14 قازاندا پاۆلودار وبلىسى كراسنوكۋت اۋدانى نوۆوترويسكوە اۋىلىندا دۇنيەگە كەلگەن.
1990 جىلى ارماۆير جوعارى اسكەري اۆياسيالىق ۇشقىشتار ۋچيليششەسىن، 2005 جىلى يۋ. ا. گاگارين اتىنداعى اسكەري-اۋە اكادەمياسىن بىتىرگەن، 2013 جىلى رەسەي فەدەراسياسى قارۋلى كۇشتەرى باس شتابىنىڭ اسكەري اكادەمياسىن بىتىرگەن.
ءار جىلدارى تالدىقورعانداعى "سۋ-27" ەسكادريلياسىنىڭ كومانديرى، قاراعاندى اۆيابازاسى شتابىنىڭ باستىعى، شىمكەنت اۆيابازاسىنىڭ كومانديرى، قازاقستان رەسپۋبليكاسى قارۋلى كۇشتەرى اۋە قورعانىسى كۇشتەرى اسكەري-اۋە كۇشتەرىنىڭ قولباسشىسى، اقتوبە قالاسىنداعى اۋە قورعانىسى كۇشتەرى اسكەري ينستيتۋتىنىڭ ديرەكتورى قىزمەتتەرىن اتقارعان.
2022 جىلعى 29 جەلتوقساندا قازاقستان رەسپۋبليكاسى پرەزيدەنتىنىڭ بۇيرىعىمەن قازاقستان رەسپۋبليكاسى قارۋلى كۇشتەرى اۋە قورعانىسى كۇشتەرىنىڭ باس قولباسشىسى لاۋازىمىنا تاعايىندالدى.
"اسكەري ۇشقىش مەرگەن". II دارەجەلى "داڭق" وردەنىمەن، "جاۋىنگەرلىك ەرىگى ءۇشىن" مەدالىمەن جانە مەرەيتويلىق مەدالدارمەن ماراپاتتالعان.