قازاقستان مەن تۇركيا اراسىنداعى اسكەري-تەحنيكالىق ىنتىماقتاستىق تالقىلاندى
قورعانىس مينيسترلىگىنىڭ باسشىلىعى تۇرىكتىڭ «Otokar» كومپانياسىنىڭ وكىلدەرىمەن كەزدەستى، دەپ حابارلايدى Almaty-akshamy.kz Elorda.kz-كە سىلتەمە جاساپ.
كەلىسسوزدەر بارىسىندا قورعانىس ءمينيسترى، گەنەرال-لەيتەنانت رۋسلان جاقسىلىقوۆ اسكەري ۆەدومستۆو وتاندىق قورعانىس-ونەركاسىپ كەشەنىمەن ءوزارا قارىم-قاتىناس جاساي وتىرىپ، اسكەرلەردى تەحنيكالىق قايتا جاراقتاندىرۋ شارالارىن قابىلداپ جاتقانىن اتاپ ءوتتى.
«Otokar» كومپانياسىنىڭ وكىلدەرى اسكەري جانە ازاماتتىق سەكتورلاردا قازاقستان-تۇرىك بىرلەسكەن كاسىپورىندارىن دامىتۋ ماقساتىنداعى ىنتىماقتاستىققا دايىن ەكەنىن ءبىلدىردى.
تاراپتار قازاقستاننىڭ قورعانىس ۆەدومستۆوسى مەن اسكەري تەحنيكا ءوندىرۋشىسى اراسىنداعى ءوزارا قارىم-قاتىناس جونىندە پىكىر الماستى.