بايقاۋدىڭ ماقساتى – ايەلدەر اراسىندا اسكەري ماماندىقتى دارىپتەۋ.
8 ناۋرىز – حالىقارالىق ايەلدەر كۇنىنە ارنالعان «اسكەر ارۋى» فوتوبايقاۋى باستالدى، دەپ حابارلايدى Almaty-akshamy.kz
فوتوبايقاۋ ق ر قورعانىس مينيسترلىگىنىڭ باستاماسىمەن وتەدى.
بايقاۋعا ساۋالنامالار تولتىرىلعان 50-دەن استام ءوتىنىش كەلىپ ءتۇستى، ونىڭ ىشىندە تەحنيكالىق تالاپتارعا سايكەس كەلەتىن 26 ءوتىنىم ىرىكتەلىپ الىندى. «اسكەر ارۋى» بايقاۋىنا قاتىسۋشىلارعا قورعانىس مينيسترلىگىنىڭ رەسمي Instagram-داعى @modgovkz پاراقشاسىنان كورۋگە جانە داۋىس بەرۋگە بولادى.
ءۇشىنشى ناۋرىزدا ءتورت اسكەري قىزمەتشى ارۋ اراسىنان جەڭىمپازدار انىقتالىپ، ولاردى سالتاناتتى ماراپاتتاۋ وسى جىلدىڭ 7 ناۋرىزىندا وتەدى.
سىزدەردىڭ نازارلارىڭىزعا كەيبىر سايىسكەرلەردىڭ سۋرەتتەرىن ۇسىنامىز. قالعان قاتىسۋشىلاردىڭ سۋرەتتەرىن ق ر قورعانىس مينيسترلىگىنىڭ Instagram پاراقشاسىنان كورە الاسىزدار.
الەۋمەتتىك جەلىنىڭ ءاربىر قولدانۋشىسى قارۋلى كۇشتەردىڭ اسكەري مامان يەلەرىنە داۋىس بەرە الادى.