الماتىنىڭ قوعامدىق كولىكتەرىندە، ادام كوپ جۇرەتىن كوشەدە دە بەتپەردەسىز جۇرگەندەردى ءجيى كورەمىز. بۇل - سالعىرتتىقپەن قاتار، تارتىپكە باعىنباۋدىڭ دا بەلگىسى.
ال سينگاپۋر سوتى ماسكا كيمەگەن ادامدى ءبىر جارىم ايعا بوستاندىعىنان ايىرۋعا ۇكىم شىعاردى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-تىڭ تەلەگرامداعى كانالىنا سىلتەمە جاساپ.
سينگاپۋر سوتى بريتاندىقتاردى قورعانىس ماسكاسىن كيۋدەن باس تارتقانى ءۇشىن التى اپتاعا باس بوستاندىعىنان ايىردى. ەر ادام العاش رەت مەترودا بەتپەردەسىز ءجۇرىپ، كۇزەتشىلەردىڭ ەسكەرتۋلەرىن ەلەمەدى. سونىمەن قاتار ول الدىن الا سوت وتىرىسى كەزىندە دە ماسكا كيۋدەن باس تارتتى.
جاپونيا ۇكىمەتى Covid-19 سالدارىنان توكيوداعى توتەنشە جاعداي رەجيمىن 12 قىركۇيەككە دەيىن ۇزارتۋعا، سونداي-اق شەكتەۋلەردى تاعى بىرنەشە پرەفەكتۋرالارعا كەڭەيتۋگە شەشىم قابىلدادى. بۇل تۋرالى جاپونيانىڭ ەكونوميكانى قالپىنا كەلتىرۋ ءمينيسترى ياسۋتوسي نيشيمۋرا مالىمدەدى.
وتكەن اپتادا الەمدە 4،4 ميلليوننان استام ادام كوروناۆيرۋس جۇقتىردى – بۇل الدىڭعى اپتاعا قاراعاندا 2% - عا كوپ.
سونىمەن قاتار مالايزيادا كوروناۆيرۋستىق ينفەكسيا بويىنشا تاۋلىكتىك انتيرەكورد جاڭارتىلدى – ۆيرۋسقا شالدىعۋدىڭ 22 242 جاعدايى تىركەلدى.