يمامدار ءدىني باسقارما بەكىتكەن 7 باعىت بويىنشا 2022 جىلدىڭ ەكىنشى جارتىجىلدىعىنا ارنالعان جۇمىس جوسپارىن پىسىقتادى.
الماتى وبلىسىنىڭ ورتالىعى قونايەۆ قالاسىندا جۋىردا عانا باس يمامدىق قىزمەتكە تاعايىندالعان ماديار ءپىرىمقۇلوۆتىڭ توراعالىعىمەن العاشقى القالى جيىن ءوتتى، دەپ حابارلايدى Almaty-akshamy.kz
اتاپ ايتقاندا، ءار باعىتقا جاۋاپتى ءدىن قىزمەتكەرلەرى وقۋ-اعارتۋ، ۋاعىز-ناسيحات، ۋاقىپ جانە قايىرىمدىلىق، ناسيحات جانە قوعاممەن بايلانىس، الەۋمەتتىك جەلىلەردى دۇرىس پايدالانۋ جانە جات اعىمدارمەن وڭالتۋ جۇمىسىن كۇشەيتۋ جولدارىن ۇسىندى.
سونداي-اق باس يمام جارتىجىلدىقتا جانە قۇربان ايت مەرەكەسىندە اتقارىلعان ءىس-شارالارعا جەكە-جەكە توقتالدى. ودان بولەك جوعارى ءدىني ءبىلىمدى كادرلاردىڭ سانىن ارتتىرۋعا باسىمدىق بەرۋ، مەدرەسە تۇلەكتەرىن وڭىرلەرگە تارتۋ جونىندە ناقتى تاپسىرمالار بەردى.
جيىن سوڭىندا الماتى ايماعى وكىلدىگىندە 6 جىل باس يمام بولعان قۋانىش باقىتبەكۇلىنا يمامداردىڭ اتىنان قۇرمەت كورسەتىلىپ، قازاقى سالتقا ساي يىعىنا شاپان جاپتى