تەوريالىق جانە پراكتيكالىق بولىمنەن تۇراتىن ساباق باعدارلاماسى بىتىمگەرلىك بولىمدەرىنە ارنالعان.
كۋرستىڭ نەگىزگى ماقساتى – بۇۇ بىتىمگەرلىك ميسسيالارىندا بەيبىت تۇرعىنداردى قورعاۋ. وقۋ بارىسىندا كومانديرلەر مەن شتاب وفيسەرلەرى مينادان تازارتۋ بولىمشەلەرى جۇمىسىنىڭ قۇقىقتىق جانە جەدەل نەگىزدەرىن ۇيرەندى، دەپ حابارلايدى aqshamnews.kz قورعانىس مينيسترلىگىنە سىلتەمە جاساپ.
كۋرسقا قازاقستاندىق بىتىمگەرلەردەن بولەك پاكىستان يسلام رەسپۋبليكاسى مەن جۇڭگو حالىق رەسپۋبليكاسىنىڭ اسكەري قىزمەتشىلەرى قاتىستى.
باعدارلامانى مەڭگەرگەننەن كەيىن قاتىسۋشىلار ەمتيحان تاپسىرىپ، حالىقارالىق سەرتيفيكاتتارعا يە بولدى. الداعى ۋاقىتتا مينادان تازارتۋ ورتالىعى بىتىمگەرلىك كونتينگەنتىن مينادان تازارتۋ جەكە قۇرامىن دايارلاۋ ساپاسىن ارتتىرۋ ءۇشىن بۇۇ اككرەديتتەلگەن كۋرستار كاتالوگىن كەڭەيتۋدى جوسپارلاپ وتىر.