مەملەكەت باسشىسى قاسىم-جومارت توقايەۆ قازاقستانداعى مەديسينا قىزمەتكەرىن كاسىبي مەرەكەلەرىمەن قۇتتىقتادى، دەپ حابارلايدى Almaty-akshamy.kz Inform.kz-كە سىلتەمە جاساپ.
«قۇرمەتتى دارىگەرلەر، مەديسينا قىزمەتكەرلەرى! بارشاڭىزدى مەديسينا قىزمەتكەرى كۇنىمەن قۇتتىقتايمىن! سىزدەر ادامگەرشىلىك پەن ىزگىلىك مۇراتتارىنا قالتقىسىز قىزمەت ەتىپ كەلەسىزدەر. قوعامىمىز دارىگەر پارىزىنىڭ ەرەكشە ءمان-ماڭىزىنا كۇن وتكەن سايىن كوز جەتكىزۋدە. كوپتەگەن دارىندى جاستار وسى ماماندىقتى يگەرۋگە ۇمتىلىپ جاتىر. مەملەكەت مەديسينا قىزمەتكەرلەرىنە جان-جاقتى قولداۋ كورسەتىپ، دەنساۋلىق ساقتاۋ سالاسىن دامىتۋعا باسا نازار اۋدارادى. ۇلت ساۋلىعى – جاڭا ادىلەتتى قازاقستاندى قۇرۋ جولىنداعى مەملەكەتتىك ساياساتىمىزدىڭ اسا ماڭىزدى باعىتى. سىزدەرگە ەرەن ەڭبەكتەرىڭىز، گيپپوكرات انتىنا ادالدىقتارىڭىز ءۇشىن شىن جۇرەكتەن ريزاشىلىعىمدى بىلدىرەمىن»، - دەپ جازىلعان پرەزيدەنت قۇتتىقتاۋىندا.
قاسىم-جومارت كەمەل ۇلى مەديسينا سالاسىنىڭ بارشا قىزمەتكەرلەرىنە زور دەنساۋلىق، باق-بەرەكە تىلەگەن.