«جاناشىر» حالىقارالىق قوعامدىق قورىنىڭ پرەزيدەنتى جاڭىل امانتاي قىزى اپەتوۆا 16 تامىزدا وتكەن جاريا تالقىلاۋدا اتوم ەلەكتر ستانسياسىنىڭ قۇرىلىسىن قولدادى، دەپ حابارلايدى aqshamnews.kz
«مەن دە ءبىر كەزدەرى قارسى بولدىم، ويتكەنى حالقىمىزدىڭ تۇسىنىگىندە تەك چەرنوبىل اپاتىنىڭ سالدارى عانا قالعان. سوندىقتان حالىق اەس-تىڭ باسقا جاقسى جاقتارىن، ونىڭ زيانسىز ەكەنىن، ەكولوگياعا تيگىزەتىن پايداسىن، اسىرەسە كومىرقىشقىل گازدارىنىڭ شىعارىندىلارىن ازايتاتىنىن جانە باسقا دا كوپتەگەن ارتىقشىلىقتارىن كورمەيدى،» — دەپ اتاپ ءوتتى ول.
اپەتوۆا شەتەلدىك اقپاراتتى زەردەلەي وتىرىپ، الەمنىڭ 32 ەلىندە 400-دەن اسا اتوم ەلەكتر ستانسيالارىنىڭ ءساتتى جۇمىس ىستەپ وتىرعانىنا نازار اۋدارۋ قاجەتتىگىن ايتتى.
«ەگەر ءبىز دامىعان ەلدەردىڭ قاتارىنا قوسىلعىمىز كەلسە جانە ەلىمىز ءۇشىن دۇرىس شەشىم قابىلداعىمىز كەلسە، ساۋاتتىلىعىمىزدى ارتتىرىپ، اتوم ەلەكتر ستانسياسىنىڭ قۇرىلىسىن قولداۋىمىز كەرەك،» — دەپ ول ءوز زامانداستارىن جوبانى قولداۋعا شاقىردى.