قۇجات 24 جەلتوقسانعا دەيىن قوعامدىق تالقىلاۋدا بولادى.
سيفرلىق دامۋ مينيسترلىگى قازاقستاندىقتارعا eGov mobile قوسىمشاسى ارقىلى قوعامدىق ورىنداردا تەگىن ينتەرنەتكە قوسىلۋعا مۇمكىندىك بەرمەك، دەپ حابارلايدى aqshamnews.kz
ءقازىر ازاماتتار قوعامدىق ورىنداردا SMS نەمەسە تەلەفون قوڭىراۋى ارقىلى جىبەرىلگەن پارول ارقىلى عانا تەگىن ينتەرنەتكە قوسىلا الادى.
مينيسترلىكتىڭ مالىمەتىنشە، قوسىلىمنىڭ ەكى ءادىسى دە اقىلى بولعاندىقتان، بۇل كاسىپكەرلەرگە ۇلكەن شىعىن اكەلەدى. مينيسترلىك كەيبىر بيزنەس يەلەرى شىعىنداردى بولدىرماۋ ماقساتىندا قاۋىپسىزدىك ءۇشىن ەنگىزىلگەن اۋتەنتيفيكاسيا ەرەجەلەرىن اينالىپ وتەتىنىن ايتادى.
ەندى سيفرلىق دامۋ مينيسترلىگى تەگىن Wi-Fi-عا ارنالعان قۇپيا سوزدەردى eGov mobile قوسىمشاسى جانە SMS حابارلامالارى ارقىلى جىبەرۋدى ۇسىنادى. مينيسترلىك قوڭىراۋلار ارقىلى اۋتەنتيفيكاسيادان باس تارتپاق.
«بۇل ازاماتتار ءۇشىن قولايلى، سايكەستەندىرۋ پروسەسىن جىلدامداتادى جانە قاۋىپسىزدىكتىڭ قوسىمشا دەڭگەيىن قامتاماسىز ەتەدى. eGov-پەن ينتەگراسيا اۋتەنتيفيكاسيا ءۇشىن مەملەكەتتىك دەرەكتەردى پايدالانۋعا مۇمكىندىك بەرەدى، بۇل الاياقتىق ءقاۋپىن ازايتىپ، پايدالانۋشىلارعا قولجەتىمدىلىكتى جەڭىلدەتەدى»، – دەلىنگەن مينيسترلىك حابارلاماسىندا.
سونداي-اق بۇيرىق جوباسىندا جۇيەگە بانك كارتاسىنىڭ ءنومىرى مەن ەلەكتروندىق پوشتا ارقىلى دا كىرۋگە بولاتىنى ايتىلعان.