الماتىدا قوعامدىق ورىنداردا ەلەكتروشوكەردى قولدانۋ ارقىلى اينالاسىنداعىلاردى ۇرەيلەندىرگەن 34 جاستاعى قالا تۇرعىنى جاۋاپكەرشىلىككە تارتىلدى، - دەپ حابارلايدى aqshamnews.kz.
پوليسيا قىزمەتكەرلەرى انىقتاعانداي، ەر ادام ەلەكتروشوكەردى ادامدارعا تىكەلەي قولدانباعانىمەن، ونى ءتۇرلى زاتتارعا پايدالانىپ، ءقاۋىپ توندىرەتىن جاعداي جاساپ، ءوتىپ بارا جاتقان ازاماتتاردىڭ قورقىنىش سەزىمىن تۋدىرعان. بۇل ارەكەت – قوعامدىق ءتارتىپتى بۇزۋ رەتىندە تىركەلدى.
اتالعان دەرەك بويىنشا ول ۇساق بۇزاقىلىق جانە ارنايى قۇرالداردى زاڭسىز قولدانۋ فاكتىلەرى بويىنشا جاۋاپقا تارتىلدى. مامانداندىرىلعان اۋداندىق اكىمشىلىك سوتتىڭ شەشىمىمەن قۇقىق بۇزۋشى كىنالى دەپ تانىلىپ، 10 تاۋلىككە قاماۋعا الۋ جازاسى تاعايىندالدى. پوليسيا وكىلدەرى ازاماتتارعا ءقاۋىپ توندىرەتىن نەمەسە قورقىنىش سەزىمىن تۋدىراتىن كەز كەلگەن ارەكەتكە قۇقىقتىق تۇرعىدا قاعيداتتى باعا بەرىلەتىنىن اتاپ ءوتتى.
– ەلەكتروشوكەر تىكەلەي ادامعا قولدانىلماسا دا، ونى قوعامدىق ورىنداردا كورسەتۋ مەن پايدالانۋ اينالاداعىلاردىڭ ۇرەيىنە، دۇربەلەڭگە سەبەپ بولۋى مۇمكىن. مۇنداي ارەكەتتەر قوعامدىق ءتارتىپتى بۇزۋ بولىپ سانالادى جانە جاۋاپكەرشىلىككە اكەلەدى. ازاماتتاردى ءتارتىپ نورمالارىن ساقتاۋعا شاقىرامىز. ادامداردىڭ قاۋىپسىزدىگى – باستى باسىمدىق، – دەپ قورىتىندىلادى الماتى قالاسى پد قوعامدىق قاۋىپسىزدىك باسقارماسىنىڭ باستىعى اسحات قۇلبايەۆ.